Túrkistan oblysynda 134 ózen-kólde balyq ósiriledi
Onyń ishinde 88 jergilikti mańyzy bar sý aidyny balyq sharýashylyǵy maqsatynda tabiǵat paidalanýshylarǵa berilgen. Qosymsha 46 jergilikti mańyzy bar sý aidyny qaita konkýrsqa qoiylyp, osy jyldyń 2-jarty jyldyǵyna deiin tolyǵymen bekitiletin bolady.
Búgingi tańda óńirde balyq sharýashylyǵymen qýattylyǵy jylyna 8 myń tonnadan asatyn 133 kásiporyn ainalysady. Onyń ishinde úsh iri kásiporyn - Shardara aýdanyndaǵy «Hamit» STK, Sairam aýdanyndaǵy «Kómesh balyq» JShS jáne Túlkibas aýdanyndaǵy «FIRST FISH COMPANY» JShS bar.
Sondai-aq, memleket tarapynan akvaósirýge paidalanylatyn azyqty satyp alýǵa jumsalatyn shyǵyndardyń 30% sýbsidiialaý baǵdarlamasy balyq sharýashylyǵyn damytýǵa ońdy yqpalyn tigizýde.
Sarapshylar Túrkistan oblysyndaǵy jasandy balyq ósirý salasynyń joǵary áleýetin atap ótti. Budan basqa, memleket tarapynan akvaósirýge paidalanylatyn azyqty satyp alýǵa jumsalatyn shyǵyndardyń 30% sýbsidiialaý baǵdarlamasy balyq sharýashylyǵyn damytýǵa ońdy yqpalyn tigizýde.
Aita ketý kerek, óńirdiń taýar óndirýshileri josparlanǵan 1 600 tonna balyq óniminiń 2020 jyly Ázerbaijan, Grýziia, Izrail, Resei, Qytai jáne Ózbekstanǵa 2801,7 tonna balyq eksporttap, jospardy artyǵymen oryndady.
Esterińizge sala keteiik, memleket basshysy Qasym-Jomart Toqaev halqyna «Jańa jaǵdaidaǵy qazaqstan: is-qimyl kezeńi» Joldaýynda aýyl sharýashylyǵyn damytpai, básekege qabiletti ekonomika qurý múmkin emestigin atap ótip, onyń ishinde balyq sharýashylyǵyna da erekshe mán berýdi tapsyrdy.
