Osyǵan orai oblys ortalyǵy Túrkistan qalasynyń ainalasynda azyq-túlik beldeýin qurý týraly sheshim qabyldanǵan. Ondaǵy jobalardyń biri – mal bordaqylaý alańy bar taýarly – sút fermasyn qurý jobasy.
Golshtein-friz tuqymdy 1200 mal basqa arnalǵan jańa fermanyń basty maqsaty – turǵyndardy sapaly sút ónimderimen qamtamasyz etý. Fermanyń qurylysy Kentaý qalasy, Shaǵa aýyldyq okrýgine qarasty Yntymaq aýylynda 46 gektar aýmaqta bastaý aldy.
Búgingi kúni jobany iske asyrý sheńberinde tehnologiiany jetkizýshisi anyqtalyp, qurylys-montajdaý jumystary bastaldy. Jobanyń júzege asýy – sút jáne sút ónimderiniń sapasyn arttyryp, onyń kólemin ulǵaitýǵa yqpal etedi. Sondai-aq, jańa jumys oryndarynyń ashylýyna jol ashady dep josparlanýda.
«Túrkistan» ÁKK» AQ iske qosylǵan alǵashqy kezeńinde, iaǵni 2019 jyly 1000 gektar alqapta mal azyǵy daqyldaryn ósirý jobasyn bastaǵan bolatyn. Biýdjet qarajaty men sol kezde tartylǵan investitsiialardy paidalanyp, 18 jańbyrlatyp sýarý mashinalary satyp alynyp, ornatylǵan. Sondai-aq egistik alqaptardaǵy jumystarǵa arnalǵan 26 dana aýyl sharýashylyǵy tehnikasy bar mashina-traktor stansasy quryldy. Jobany iske asyrý josparyna sáikes, jinalǵan ónim soǵylyp jatqan óndiristik sút fermasyn qajetti jem-shóp qorymen qamtityn bolady.
