Astanada «Shanhai yntymaqtastyq uiymy» Cammiti aiasynda Qazaqstan-Qytai birlesken iskerlik keńesi ótti. Biyl 7-shi ret ótip jatqan keńeske Qytaidyń ónerkásip salasyndaǵy alpaýyt kompaniialary qatysty. QR Prezidenti Qasym-Jomart Toqaev pen QHR basshysy Si Tszinpinniń ózara iskerlik bailanysy eki el arasyndaǵy ekonomikalyq bailanysty nyǵaita túsýde.
Búginde Qazaqstan-Qytai iskerlik Keńesi Qazaqstan Respýblikasy men Qytai Halyq Respýblikasynyń biznes-toptarynyń ókilderi úshin dialog alańy, sondai-aq eki el arasyndaǵy saýda-ekonomikalyq jáne investitsiialyq yntymaqtastyqty damytýdyń mańyzdy quralyna ainalǵan. Mańyzdy jiynǵa Túrkistan oblysynyń ákimi Darhan Satybaldy arnaiy qatysyp, mańyzdy kelissózder júrgizdi. Is-shara qorytyndysy boiynsha qytailyq biznesmendermen jalpy quny 1 mlrd. 615 mln AQSh dollaryn quraityn 4 iri investitsiialyq joba boiynsha yntymaqtastyq týraly memorandýmǵa qol qoiyldy.
Atap aitsaq, Túrkistanda bes juldyzdy qonaq úi kesheni men akvapark jáne beinebaqylaý kameralaryn shyǵaratyn zaýyt salynbaq. Jobanyń jalpy quny 270 mln AQSh dollaryn quraidy. Qazirgi tańda arnaiy ekonomikalyq aimaqtan 11,8 gektar jer ýchaskesi naqtylanǵan. Onda 18 qabatty qonaq úi, akvapark jáne villa kesheni boi kóteredi dep josparlanýda. Al aýqymdy investitsiialyq joba «Chian Chuangshi Construction Group» kompaniiasyna tiesili.
Sonymen qatar aimaqta balamaly energiia kózderin óndirý boiynsha da birqatar jobalar júzege aspaq. Atap aitqanda, qýattylyǵy 500 MVt bý-gaz qondyrǵysy jáne qýattylyǵy 300 MVt kún elektr stantsiiasy, sondai-aq elektr jelisiniń metall tirekterin jáne energiia jinaqtaý júielerin óndiretin zaýyt bazasynda elektr stantsiiasyn salý týraly sheshim qabyldandy.
Atalǵan jobalardy iske asyrý úshin Báidibek, Saýran, Túlkibas aýdandarynan jer telimderi naqtylandy. Qýat kózin kóp qajet etip, ózge óńirlerden alyp tutynatyn Túrkistan oblysy úshin joba asa mańyzdy. Qazirgi tańda Qytaidyń «China Energy Overseas Investment Co.,Ltd» kompaniiasy jobaǵa jalpy 915 mln AQSh dollaryn bólip otyr.
Osymen qosa Ordabasy aýdanynda «Central Asia Aluminium» JShS aliýminii buiymdaryn óndiretin zaýyt qurylysy bastalmaq. Quny 17 mln AQSh dollaryna baǵalanyp otyr. Óńdeý ónerkásibi salasyndaǵy investitsiialyq jobany iske asyrý arqyly jańa jumys oryndary ashylady.
Elimizde maqta ósirýmen ainalysatyn jalǵyz óńir – Túrkistan. Munda, tipti, Maqtaaral atalǵan aýdan da bar. Alaida búginge deiin oblysta toqyma ónerkásibi durys jolǵa qoiylmaǵan. Saldarynan shikizattyq ekonomika deńgeiinde qalyp, al maqta baǵasy jyl ótken saiyn arzandap, sharýalar eńbeginiń jemisin tolyq kóre almai otyr.
Sondyqtan aimaqta oblys ákimi Darhan Satybaldynyń tikelei tapsyrmasymen toqyma klasterin qurý jumysy qarqyndy júrip jatyr. Qazirgi tańda maqtadan buiym shyǵaryp, álemge eksportyn jolǵa qoiǵan qytailyq kompaniialarmen ýaǵdalastyqtarǵa qol jetkizildi. Investorlar maqta egýge kómektesip, jergilikti sharýalarǵa tájiribesin bólisedi. Nátijesinde oblys aýmaǵynda maqta talshyǵyn qaita óńdeitin zaýyt, jip iirý zaýyty men mata fabrikasy salynbaq. «Xinjiang Lihua(Group) Co., Ltd» kompaniiasy atalǵan jobalarǵa jalpy 440 mln AQSh dollar kóleminde investitsiia baǵyttamaq.
