Arada nebári bir jyl ótse de óńir qarqyndy damýdyń jolyna túsip, oblys ortalyǵy bolǵan Túrkistan qalasy jańa keıipke enip keledi. Máselen, óńirdiń áleýmettik-ekonomıkalyq damýy úshin osy bir aıdyń kóleminde Úkimet tarapynan asa mańyzdy 5 qaýly qabyldandy. Onyń eń mańyzdysy – «Túrkistan oblysyn áleýmettik-ekonomıkalyq damytýdyń 2024 jylǵa deıingi keshendi jospary».
Sonymen qatar, halyqtyń turmys sapasyn jaqsartý maqsatynda oblysta aýqymdy jumystar atqarylýda. Atap aıtsaq, kópbalaly analarǵa ataýly áleýmettik kómek kórsetý mólsheri ortasha eseppen 40%-ǵa artyp, 2019 jyly 103 464 myńnan astam otbasy ótinish bildirgen, onyń 65 946-na ataýly áleýmettik kómek taǵaıyndalǵan. Túrkistan oblysy boıynsha jyl sońyna deıin 1032 kópbalaly otbasy pátermen qamtamasyz etiletin bolady. Budan bólek, 2019 jyldyń 5 aıynda Túrkistan oblysy boıynsha barlyǵy 1724 páter tapsyryldy. Jyl qorytyndysymen 50 turǵyn úı, ıaǵnı 2 613 páter paıdalanýǵa tapsyrylady.
Sondaı-aq, medısına salasynda oblystyq búdjet esebinen 2018 jyly shalǵaı eldi mekenderge 62 modýldik medısınalyq pýnkt satyp alyndy, 2019 jyly 19 modýldik medısınalyq pýnkt ornatý josparlandy. Oblysta 2 qalalyq, 4 aýdandyq emhananyń qurylysy jáne Túrkistan qalasynda №3 oblystyq perınataldyq ortalyǵyna japsarlas 150 oryndyq perzenthanasy jáne 900 oryndyq 1 bilim uıasynyń qurylysy júrýde.
Bıyl memlekettik jáne salalyq baǵdarlamalar aıasynda 3315 jańa jumys oryndary ashyldy. Bul óz kezeginde jumyssyzdyq deńgeıiniń tómendeýine aıtarlyqtaı áser etti. Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan baǵdarlamasy sheńberinde 24 478 adam jumyspen qamtý sharalaryna qatysty.
Oblys turǵyndarynyń ómir sapasyn arttyrý maqsatynda ınjenerlik ınfraqurylym, sonyń ishinde jylý, sý tartý júıesi, gaz jáne elektrmen jabdyqtaý boıynsha kóptegen máseleler sheshimin tapty.
Baspasóz-konferensıasynda Túrkistan oblysynyń ákimi Ómirzaq Shókeev oblys ortalyǵyn damytý josparymen tanystyrdy.
– Túrkistan qalasyndaǵy ekologıalyq jaǵdaıdy jaqsartý úshin aǵymdaǵy jyldyń sońyna qaraı halyqtyń 56% gazben qamtamasyz etý josparda bar. Sonymen qatar, Túrkistan qalasyn 83%-ǵa aýyz sýmen qamtamasyz etýge baǵyttalǵan jumystar bastaldy. Búgingi tańda qurylysy qarqyndy júrip jatqan Túrkistanda 29 nysan boı kóteredi. Onyń ishinde jańa ákimshilik-iskerlik ortalyǵynda 17 nysannyń qurylysy bastaldy. Bıyl 7 nysan paıdalanýǵa beriledi. Atap aıtsaq, oblys ákimdigi, Astana alańy, Medıa ortalyq, Olımpıadalyq rezervtegi sport mektebi, saıabaq, mýzykalyq mektep, halyqqa qyzmet kórsetý ortalyǵy, – dedi Ómirzaq Estaıuly.
QR Tuńǵysh Prezıdenti N.Á.Nazarbaevtyń tapsyrmasyna sáıkes, Túrkistan qalasynda týrızm salasy boıynsha kolej ashý jumystary júrgizilýde. Sondaı-aq ekologıalyq, tarıhı-mádenı jáne tanymdyq baǵytta 57 týrısik marshrýt ázirlendi. Sonyń biri – Qasqasý týrısik-rekreasıalyq kesheni, «Uly Jibek – joly» ulttyq qol óner sheberleri ortalyǵyn» jasaqtaý, Shyǵys bazary.
Aýa-raıynyń qolaılylyǵy, halyqtyń eńbekqorlyǵy – óńirdiń ınvestısıalyq qabilettiligin kórsetetin basty ólshemniń biri. Bıylǵy jyldyń alǵashqy bes aıynda ınvestısıa kólemi 60 mlrd. teńgeden asty.
Oblys ortalyǵyn azyq-túlik qaýipsizdigimen qamtamasyz etý maqsatynda Túrkistan qalasy aımaǵynda radıýsy 15 shaqyrymdy quraıtyn azyq-túlik jáne jasyl beldeý qalyptastyrý jobasy bastaldy.
Túrkistannyń áleýmettik-ekonomıkalyq damýymen qatar, Túrkistan qalasynyń ıdeologıalyq negizdemesin qalyptastyrý boıynsha 4 baǵyt aıqyndalǵan bolatyn. Birinshiden, Túrkistan – qazaq halqy men túrki tildes elderdiń eń iri zıarat jáne týrızm ortalyǵy. Ekinshi, Túrkistan – álemdik deńgeıdegi qolóner jáne sheberler ortalyǵy. Úshinshi, Túrkistan – Uly Jibek jolynyń boıynda ornalasqan iri saýda ortalyǵy. Tórtinshi, Qoja Ahmet Iasaýı – rýhanı tulǵa. Mine, osy 4 baǵyt boıynsha ıdeologıalyq jumystar qolǵa alynady. Onyń birqatary Túrkistan oblysynyń 1 jyldyǵy aıasynda bastalyp ta ketti.
Az ǵana ýaqyt ishinde oblys jetken jetistikter az emes. Ary qaraı da el ıgiligi úshin atqarylatyn sharýa shash-etekten. Bul jumystar aldaǵy ýaqytta da óz jalǵasyn tabatyn bolady.
Túrkistan oblysy ákiminiń baspasóz qyzmeti
