ارادا نەبارى ءبىر جىل وتسە دە ءوڭىر قارقىندى دامۋدىڭ جولىنا ءتۇسىپ، وبلىس ورتالىعى بولعان تۇركىستان قالاسى جاڭا كەيىپكە ەنىپ كەلەدى. ماسەلەن، ءوڭىردىڭ الەۋمەتتىك-ەكونوميكالىق دامۋى ءۇشىن وسى ءبىر ايدىڭ كولەمىندە ۇكىمەت تاراپىنان اسا ماڭىزدى 5 قاۋلى قابىلداندى. ونىڭ ەڭ ماڭىزدىسى – «تۇركىستان وبلىسىن الەۋمەتتىك-ەكونوميكالىق دامىتۋدىڭ 2024 جىلعا دەيىنگى كەشەندى جوسپارى».
سونىمەن قاتار، حالىقتىڭ تۇرمىس ساپاسىن جاقسارتۋ ماقساتىندا وبلىستا اۋقىمدى جۇمىستار اتقارىلۋدا. اتاپ ايتساق، كوپبالالى انالارعا اتاۋلى الەۋمەتتىك كومەك كورسەتۋ مولشەرى ورتاشا ەسەپپەن 40%-عا ارتىپ، 2019 جىلى 103 464 مىڭنان استام وتباسى ءوتىنىش بىلدىرگەن، ونىڭ 65 946-نا اتاۋلى الەۋمەتتىك كومەك تاعايىندالعان. تۇركىستان وبلىسى بويىنشا جىل سوڭىنا دەيىن 1032 كوپبالالى وتباسى پاتەرمەن قامتاماسىز ەتىلەتىن بولادى. بۇدان بولەك، 2019 جىلدىڭ 5 ايىندا تۇركىستان وبلىسى بويىنشا بارلىعى 1724 پاتەر تاپسىرىلدى. جىل قورىتىندىسىمەن 50 تۇرعىن ءۇي، ياعني 2 613 پاتەر پايدالانۋعا تاپسىرىلادى.
سونداي-اق، مەديسينا سالاسىندا وبلىستىق بيۋدجەت ەسەبىنەن 2018 جىلى شالعاي ەلدى مەكەندەرگە 62 مودۋلدىك مەديسينالىق پۋنكت ساتىپ الىندى، 2019 جىلى 19 مودۋلدىك مەديسينالىق پۋنكت ورناتۋ جوسپارلاندى. وبلىستا 2 قالالىق، 4 اۋداندىق ەمحانانىڭ قۇرىلىسى جانە تۇركىستان قالاسىندا №3 وبلىستىق پەريناتالدىق ورتالىعىنا جاپسارلاس 150 ورىندىق پەرزەنتحاناسى جانە 900 ورىندىق 1 ءبىلىم ۇياسىنىڭ قۇرىلىسى جۇرۋدە.
بيىل مەملەكەتتىك جانە سالالىق باعدارلامالار اياسىندا 3315 جاڭا جۇمىس ورىندارى اشىلدى. بۇل ءوز كەزەگىندە جۇمىسسىزدىق دەڭگەيىنىڭ تومەندەۋىنە ايتارلىقتاي اسەر ەتتى. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسى شەڭبەرىندە 24 478 ادام جۇمىسپەن قامتۋ شارالارىنا قاتىستى.
وبلىس تۇرعىندارىنىڭ ءومىر ساپاسىن ارتتىرۋ ماقساتىندا ينجەنەرلىك ينفراقۇرىلىم، سونىڭ ىشىندە جىلۋ، سۋ تارتۋ جۇيەسى، گاز جانە ەلەكترمەن جابدىقتاۋ بويىنشا كوپتەگەن ماسەلەلەر شەشىمىن تاپتى.
باسپاسوز-كونفەرەنسياسىندا تۇركىستان وبلىسىنىڭ اكىمى ءومىرزاق شوكەيەۆ وبلىس ورتالىعىن دامىتۋ جوسپارىمەن تانىستىردى.
– تۇركىستان قالاسىنداعى ەكولوگيالىق جاعدايدى جاقسارتۋ ءۇشىن اعىمداعى جىلدىڭ سوڭىنا قاراي حالىقتىڭ 56% گازبەن قامتاماسىز ەتۋ جوسپاردا بار. سونىمەن قاتار، تۇركىستان قالاسىن 83%-عا اۋىز سۋمەن قامتاماسىز ەتۋگە باعىتتالعان جۇمىستار باستالدى. بۇگىنگى تاڭدا قۇرىلىسى قارقىندى ءجۇرىپ جاتقان تۇركىستاندا 29 نىسان بوي كوتەرەدى. ونىڭ ىشىندە جاڭا اكىمشىلىك-ىسكەرلىك ورتالىعىندا 17 نىساننىڭ قۇرىلىسى باستالدى. بيىل 7 نىسان پايدالانۋعا بەرىلەدى. اتاپ ايتساق، وبلىس اكىمدىگى، استانا الاڭى، مەديا ورتالىق، وليمپيادالىق رەزەرۆتەگى سپورت مەكتەبى، ساياباق، مۋزىكالىق مەكتەپ، حالىققا قىزمەت كورسەتۋ ورتالىعى، – دەدى ءومىرزاق ەستاي ۇلى.
ق ر تۇڭعىش پرەزيدەنتى ن.ءا.نازاربايەۆتىڭ تاپسىرماسىنا سايكەس، تۇركىستان قالاسىندا تۋريزم سالاسى بويىنشا كوللەدج اشۋ جۇمىستارى جۇرگىزىلۋدە. سونداي-اق ەكولوگيالىق، تاريحي-مادەني جانە تانىمدىق باعىتتا 57 تۋريستىك مارشرۋت ازىرلەندى. سونىڭ ءبىرى – قاسقاسۋ تۋريستىك-رەكرەاسيالىق كەشەنى، «ۇلى جىبەك – جولى» ۇلتتىق قول ونەر شەبەرلەرى ورتالىعىن» جاساقتاۋ، شىعىس بازارى.
اۋا-رايىنىڭ قولايلىلىعى، حالىقتىڭ ەڭبەكقورلىعى – ءوڭىردىڭ ينۆەستيسيالىق قابىلەتتىلىگىن كورسەتەتىن باستى ولشەمنىڭ ءبىرى. بيىلعى جىلدىڭ العاشقى بەس ايىندا ينۆەستيسيا كولەمى 60 ملرد. تەڭگەدەن استى.
وبلىس ورتالىعىن ازىق-تۇلىك قاۋىپسىزدىگىمەن قامتاماسىز ەتۋ ماقساتىندا تۇركىستان قالاسى ايماعىندا راديۋسى 15 شاقىرىمدى قۇرايتىن ازىق-تۇلىك جانە جاسىل بەلدەۋ قالىپتاستىرۋ جوباسى باستالدى.
تۇركىستاننىڭ الەۋمەتتىك-ەكونوميكالىق دامۋىمەن قاتار، تۇركىستان قالاسىنىڭ يدەولوگيالىق نەگىزدەمەسىن قالىپتاستىرۋ بويىنشا 4 باعىت ايقىندالعان بولاتىن. بىرىنشىدەن، تۇركىستان – قازاق حالقى مەن تۇركى تىلدەس ەلدەردىڭ ەڭ ءىرى زيارات جانە تۋريزم ورتالىعى. ەكىنشى، تۇركىستان – الەمدىك دەڭگەيدەگى قولونەر جانە شەبەرلەر ورتالىعى. ءۇشىنشى، تۇركىستان – ۇلى جىبەك جولىنىڭ بويىندا ورنالاسقان ءىرى ساۋدا ورتالىعى. ءتورتىنشى، قوجا احمەت ياساۋي – رۋحاني تۇلعا. مىنە، وسى 4 باعىت بويىنشا يدەولوگيالىق جۇمىستار قولعا الىنادى. ونىڭ ءبىرقاتارى تۇركىستان وبلىسىنىڭ 1 جىلدىعى اياسىندا باستالىپ تا كەتتى.
از عانا ۋاقىت ىشىندە وبلىس جەتكەن جەتىستىكتەر از ەمەس. ارى قاراي دا ەل يگىلىگى ءۇشىن اتقارىلاتىن شارۋا شاش-ەتەكتەن. بۇل جۇمىستار الداعى ۋاقىتتا دا ءوز جالعاسىن تاباتىن بولادى.
تۇركىستان وبلىسى اكىمىنىڭ باسپا ءسوز قىزمەتى
