Túrkistan oblysynda biyl Naýryz meiramyn 10 kún boiy atap ótý josparlanyp otyr. Bul halqymyzdyń ejelden kele jatqan ata dástúri. 14-23 naýryz kúnderi arylyǵynda «Kórisý kúni – amal merekesi», «Meiirimdilik merekesi» syndy ataýly kúnderi túrli sharalar ótedi. Bul týraly brifingte Túrkistan oblysy mádeniet jáne týrizm basqarmasynyń basshysy Ázimhan Qoilybaev málimdedi.
«14 naýryz - «Kórisý kúni – amal merekesi» kúni óńirdegi belgili óner, sport salasyndaǵy qairatkerler aǵa býynnyń shańyraqtaryna arnaiy baryp, jyldyń bastalýymen quttyqtaidy. Amandandyq surasyp, kórisedi. Sondai-aq, osy kúni «Naýryz – jaqsylyqtyń jarshysy» ataýymen oblystyq chellenj uiymdastyrylady.
Al 15 naýryz kúni «Naýryz - meiirimdilik merekesi» retinde atalyp ótpek. Bul kúni aýdan-qalalarda, aýyldarda jaǵdaiy tómen otbasylarǵa, múmkindigi shekteýli azamattarǵa kómek kórsetý maqsatynda qaiyrymdylyq aktsiiasy ótedi. Sondai-aq, soǵys, eńbek ardagerlerine, Batyr analarǵa qurmet kórsetý maqsatynda «Aǵa urpaqty qasterleiik» aktsiiasy qolǵa alynady» - dedi basqarma basshysy.
«16 naýryz kúni «Naýryz – salt-dástúrdiń jańǵyrýy» degen bastamamen oblystaǵy barlyq mádeniet mekemelerinde ulttyq salt-dástúrlerdi jańǵyrtatyn sahnalyq kórinister ótedi. Al 17 naýryz kúni «Naýryz - tárbieniń bastaýy» degen ataýmen barlyq mektepterde merekelik is-sharalar, qolóner sheberleri men sýretshilerdiń kórmeleri uiymdastyrylady.
Sondai-aq, jaǵdaiy tómen otbasylardyń balalaryna, múmkindigi shekteýli balalarǵa kómek kórsetilmek. 18 naýryz - «Túrkistan – Túrki áleminiń týristik astanasy» degen atpen 09:00-den bastap Túrkistan oblysynyń memlekettik qyzmetshileri ulttyq kiim kiiý chellenjin bastaidy. Sonymen qatar, 18 naýryz kúni «Túrkistan – túrki áleminiń týristik astanasy» atanýynyń resmi ashylý saltanaty «Kerýen sarai» aýmaǵynda ótedi», - dedi Ázimhan Serikuly.
Brifingke qatysqan Túrkistan oblysy mádeniet jáne halyq shyǵarmashylyǵy ortalyǵynyń direktory Meiirjan Aliakbarov 19 naýryz kúni - «Naýryz - jańarý men jańǵyrýdyń, tatýlyqtyń bastaýy» degen atpen barlyq óńirlerde aǵash egý dástúri qolǵa alynatynyn aitty. Bul kúngi merekelik is-sharalar «Naýryz bata» dástúrimen qorytyndylanady. 
Al 23 naýryz «Naýryz – tazalyqtyń ainasy» kúni oblys kóleminde jalpy halyqtyq senbilik uiymdastyrylyp, aýdandar men qalalarda tazalyq jumystary júrgiziledi», - dedi Meiirjan Nurǵaliuly.
