Túrkistan oblysy turǵyndary elektrondy qyzmette paidalanýdaǵy belsendiligi joǵary
Usynys-shaǵymdar kóbine Kentaý qalasy, Sairam, Maqtaaral, Saryaǵash aýdandary men Túrkistan qalasynyń turǵyndarynan túsedi. Bul týraly Túrkistan oblysynyń ákimi Ómirzaq Shókeevtiń tóraǵalyǵymen ótken apparat otyrysynda baiandaldy. «e-Ótinish» jobasynyń buqara men biliktiń bailanysyn odan ári nyǵaitatynyn basa aitqan oblys basshysy bul baǵyttaǵy jumystardyń jeke baqylaýynda ekenin eske saldy.
Otyrysta oblys turǵyndary tarapynan kelip túsken aryz-shaǵymdardyń qaralý barysy týraly aityldy. Ótinishterdi qaraýdyń jańa formatyna kóshý aiasynda problemalar kartasy jasalýda. Oblys boiynsha búgingi kúni 2000 mekemeniń 7 myń qyzmetkeri «e-Ótinish» aqparattyq-taldaý júiesimen jumys istep keledi.
Jańa júie aryz-shaǵymdardy jan-jaqty jiktep, taldap berdi. Sonymen birge ótinish berýshilerdiń qalyptasqan áleýmettik portretin kórsetti. Taldaý qorytyndysy memlekettik organdarǵa kóbine halyqtyń áleýmettik osal toby emes, turmys jaǵdaiy durys, belsendi bóligi júginetinin anyqtap berdi.
Ótinish bildirgen azamattardyń 63 paiyzyn jumyspen qamtylǵan jáne ózin-ózi jumyspen qamtyǵan halyq jáne tek 4 paiyzyn jumyssyzdar quraidy. Saýaldardyń basym bóligi jer qatynastary, áleýmettik sala, turǵyn-úi kommýnaldyq sharýashylyǵy máseleleri men bilim, aýyl sharýashylyǵy salalaryna qatysty.
Túrkistan oblysy ákimi Ómirzaq Shókeev ótinishterdi qaraý boiynsha jumysty jaqsartý úshin tiisti tapsyrmalar berdi. Barlyq basqarmalar men aýdandyq jáne qalalyq ákimdikter tarapynan turaqty, kúndelikti monitoring pen taldaý jasaýdy, suraqtardyń sipaty negizinde problemalyq kartany qalyptastyrý boiynsha jumys júrgizýdi jáne ótinish berýshilerge jaýap berý kezinde zańdylyqty qatań saqtaýdy mindettedi.
– Qazirgi tańda turǵyndardyń ótinishin tirkeý boiynsha jańa ádis-tásilder qoldanylyp jatyr. Biraq biz bul baǵyttaǵy jumysty kúsheitýimiz kerek. Kerek bolsa ózge memleketterdiń de ozyq tájiribelerin alǵan jón. Árbir turǵynnyń aryz-shaǵymy, ótinishi jedel nazarǵa alynyp, jumys júrgizilse ǵana másele sheshiledi, – dedi oblys basshysy.
«Halyq únine qulaq asatyn memleket» tujyrymdamasyn is júzinde iske asyrý sheńberinde ótinishterdi qaraýdyń jańa formatyn qalyptastyrý boiynsha jumys jalǵasýda. Aita keteiik, biyl ótinish berýshilermen ózara is-qimyl modeli túbegeili ózgerdi. Birinshiden, 1 shildede memlekettik organdar jumysynyń sapasyna talapty kúsheitken jańa Ákimshilik rásimdik-protsestik kodeks kúshine endi. Memlekettik organdar men ótinish berýshiler arasyndaǵy daýlardy qaraityn mamandandyrylǵan ákimshilik sottar jumysqa kiristi. Sonymen qatar ótinishtermen jumys protsesterin tolyq «tsifrlandyrý» bastaldy.
