Túrkistan oblysy Qazaqstandaǵy adam kapitalynyń ortalyǵy
Búginde Túrkistan oblysynan qonys aýdarǵan otbasylardyń músheleri Pavlodar oblysyndaǵy óndiris, aýysh sharýashylyǵy, kásipkerlik salasynda jumys istep, ózderiniń is-tájiribelerin jergilikte jerde paidalanyp, Kereký óńiriniń ekonomikasyn kóterýge barynsha paidalanyp jatyr. Osy bir joba arqyly Túrkistan oblysy Qazaqstandaǵy adam kapitalynyń ortalyǵy, qainar kózi ekenin taǵy da dáleldedi.
Búginde Soltústik Qazaqstan men Pavlodar oblystaryna qonys aýdarǵan túrkistandyqtar shaǵyn jáne orta biznestiń jandandyrýǵa barynsha yqpal etip otyr. Óz kezeginde Túrkistan oblysynan qonys aýdarǵan halyqtyń eńbek etip, tabys tabýǵa degen qulshynysy jergilikti halyqtyń da jumysqa degen ynta-yqlasyn oiatqanyn aita ketýimiz kerek.
Mundai tiimdi is-tájiribe óziniń jemisin bere bastaǵannan keiin Túrkistan oblysyna Pavlodar jáne Soltústik Qazaqstan oblystarynan arnaiy delegatsiialar kelip, qarpaiym halyq arasynda úgit-nasihat jumystaryn júrgizgenin bilemiz. Alystan at terletip kelgen top músheleri bos jumys oryndardyń denin memlekettik qyzmet, bilim salasy, densaýlyq saqtaý, aýylsharýashylyǵy salalaryndaǵy mamandyqtar quraitynyn aitqan bolatyn.
– Bizde sońǵy jyldary maman tapshylyǵy qatty sezilip otyr. Ásirese, memlekettik qyzmet túrlerine mamandar jetispeidi. Bul rette balabaqsha, mektep muǵalimderi, densaýlyq saqtaý salasynda eńbek etem deýshilerge esigimiz aiqara ashyq. Eń bastysy – soltústikke kóshýge nietti mamandardyń óz ynta –jigeri, qyzyǵýshylyǵy bolsa, qabyldaýǵa daiarmyz, – dep Pavlodar oblysy, Aqsý qalasyna qarasty Qalqaman aýyldyq okrýginiń ákimi Orda Ermekbaev oiyn ortaǵa salǵan bolaty.
Jalpy Pavlodar oblysy egis egýmen, mal sharýashylyǵymen ainalysýǵa da óte qolaily. Ol jaqtaǵy aýyldy jerlerde baspana baǵasy da asa qymbat emes. Osy jaittarǵa toqtalǵan top músheleri túrkistandyqtarǵa aityp, Pavlodar oblysyna qonys aýdaryp, jumysqa ornalasyp, jeke kásipkerlikpen ainalysýǵa shaqyrdy.
Túrkistan oblysy ákiminiń baspasóz qyzmeti
