Otyrysqa kásipkerlik jáne saýda basqarmasy ókilderi, sonymen qatar ekinshi deńgeıli bank jáne mıkroqarjy uıymdary men ár aýdannan ákim orynbasarlary onlaın qosyldy.
Túrkistan oblysy kásipkerler palatasy dırektory Tımýr Naqypbekovtyń málimdeýinshe, óńirde «Qarapaıym zattar ekonomıkasy» baǵdarlamasy boıynsha 50,2 mlrd teńgeniń 311 jobasy bar. Onyń ishinde 41,7 mlrd teńgeniń 307 jobasy qarjylandyrylǵan jáne maquldaǵan.
Taǵy 5 joba qarastyrylýda. Maquldanǵan jobalar sany boıynsha Túrkistan oblysy elimizde alǵashqy orynda.
Aıta ketý kerek, qarjylandyrylǵan jobalardyń basym bóligi aýyl sharýashylyǵy salasyna negizdelgen. Áleýetti jobalardyń 81% -y «Agrarlyq nesıe korporasıasy» arqyly qarjylandyrylady.
Búginde nesıe korporasıasynda baǵdarlama aıasynda jobalardy nesıeleýge qarajat tapshy. Saldarynan jobalardy qarjylandyrý ýaqytsha toqtap tur. Kásipkerler nesıe berýde aýyldy jerlerde ekinshi deńgeıli bankterdiń úlesi tómendigin aıtýda. Otyrysta bankter men ózge de uıymdardyń startap jobalardy nesıelendirýge qulshynysynyń tómendigi aıtyldy.
Bul máselelerdi sheshý úshin jas kásipkerlerge mentorlyq jáne qarjylyq qoldaý kórsetý úshin 2021 jyly «Kásipkerlik qyrandary» jobasy iske qosylǵan. Búginde mentorlar qoldaý kórsetýde.
Sonymen qatar, aýyldyq jáne isin jańa bastaǵan kásipkerlerdi «Atameken-Túrkistan» MQU arqyly, «Turkistan» ÁKK qolónershilerge usynǵan nesıe ónimi jáne Týrızm salasyndaǵy jobalardy qoldaý úshin «Turkistan» ÁKK-men birlesken kredıttik ónim arqyly qoldaý josparlanýda.
Jıyn barysynda «Qarapaıym zattar ekonomıkasy» taýarlaryn satyp alýdaǵy jergilikti qamtý úlesin monıtorıńileý barysynda anyqtalǵan máseleler de talqylandy.
