«Atameken» QR UKP Tóralqa Tóraǵasy Timýr Qulybaevtyń qatysýymen Túrkistan oblysy Kásipkerler palatasy Óńirlik keńesiniń otyrysynda biznesmender kásipkerliktiń eń ózekti máselerin kóterdi.
"Aǵymdaǵy jyldyń mamyr aiynda óńirlik kásipkerlermen ótken alǵashqy kezdesýdiń qorytyndysy boiynsha suraqtar paketi Premer-ministr deńgeiinde kóterildi. Nátijesinde 84 júielik máseleniń 41-i sheshildi, qalǵandary memlekettik organdarmen, ulttyq kompaniialarmen jáne JAO-men birlesip sheshý satysynda. Biznespen onlain-kezdesýlerdi turaqty túrde ótkizip otyratyn bolamyz", - dep atap ótti "Atameken" QR UKP Tóralqa Tóraǵasy.
Onlain kezdesýde birneshe aýqymdy máseleler aityldy. Onlain bailanys arqyly ótkizilgen jiynǵa Tóralqa tóraǵasyna óńirimizdiń ekonomikalyq jaǵdaiy týraly Óńirlik keńes tóraǵasy Qainar Abasov baiandady.
Kezdesýde "Qazaq maqta qaýymdastyǵy" ZTB tóraǵasy Polat Iýsýpov ekinshi deńgeili bankterdegi qarajatqa qol jetkizý máselesin qozǵady.
Onyń aitýynsha, QR Ulttyq Banki zańdy tulǵalar úshin qolma-qol aqshany paidalanýǵa belgilengen 120 mln teńge mólsherindegi limiti - shitti maqtany daiyndaý kezeńinde sharýalarǵa múlde jetkiliksiz ekenin aitty. Óńirlik keńestiń múshesi, «Baikenje» sharýa qojalyǵynyń tóraǵasy Nurlan Baikenjeev jylyjailarda qoldanylatyn energiiaǵa tariftiń qymbattyǵyn jetkizdi. Shyǵyndardy azaitý úshin jylyjailardy memlekettik qoldaýdyń shuǵyl qajettiligi, sonymen qatar ónimdilikti arttyrý úshin innovatsiialyq tehnologiialardy engizý qajettiligin baiandady.
Sondai-aq, Ózbekstannan shyqqan taýarlardyń dempingtik jáne resmi emes ainalymy máselesin «Altyn Adam Tigin Fabrikasy» JShS-niń basshysy Baljan Halmýratova kóterdi. Ol eki eldiń naryqtarynda teń básekelestikti júrgizý úshin ónimdi kedendik rásimdeý kezinde Ózbekstan taýarlaryna ózara kelisim ornatý qajettigin atap ótti. Bul shara otandyq taýar óndirýshilerge aitarlyqtai qoldaý kórsetpek. Sonymen qatar, "Qýanysh" JShS basshysy Inara Namazbaeva qarjylandyrýǵa qoljetimdilik máselesin kóterdi. Túrkistan qalasynda Ekinshi deńgeili bankterdiń tolyq formatty filialdarynyń nemese ókildikteriniń bolmaýyna bailanysty qarjylandyrýǵa qoljetimdilik edáýir qiyn ekendigin baiandady.
Kezdesý qorytyndysy boiynsha kásipkerler tarapynan aitylǵan máseleler Tóralqa Tóraǵasy men Basqarma Tóraǵasynyń baqylaýynda bolady.
