Túrkistan oblysy aýmaǵynda koronavırýstyq ınfeksıanyń taralýyna jol bermeý, turǵyndardyń qaýipsizdigin qamtamasyz etý maqsatynda aýdanaralyq turaqty baǵyttardaǵy reıster sany 50%-ǵa qysqartylyp, óńirdegi birneshe avtovokzaldyń jumystary ýaqytsha toqtatyldy.

Atap aıtqanda, jolaýshylar kóp shoǵyrlanatyn 4 avtovokzalda:  (Lengir qalasyndaǵy «Taý juldyzy», Jibek joly eldi mekenindegi «Darhan», Túrkistan qalasyndaǵy «Túrkistan ortalyq», «Iassy») jáne 9 avtobekettiń (Kentaý qalasyndaǵy «Tranzıt servıs», Arys qalasyndaǵy «Arys», Saryaǵash aýdany Jibek joly eldi mekenindegi «Saıran Jibek joly», Saryaǵash qalasyndaǵy «Saryaǵash», «Saý Bol», Otyrar aýdany Sháýildir eldi mekenindegi «Nálibek», Jetisaı qalasyndaǵy «Jaz», Túrkistan qalasyndaǵy «Mereı», «Altyn orda») qyzmetteri karantındik rejım aıaqtalǵansha ýaqytsha toqtatyldy.

Mamandardyń aıtýynsha, oblysta atalǵan qaýipti ınfeksıanyń taralýyn boldyrmaý maqsatynda óńir turǵyndaryna barynsha saqtyq sharalaryna muqıat bolyp, gıgıenalyq talaptardy saqtaýǵa jáne karantındik rejım aıaqtalǵanǵa deıin múmkindiginshe qoǵamdyq kólikpen saparǵa shyqpaǵan jón.

Túrkistan oblysynyń Óńirlik komýnıkasıalar qyzmeti

https://dalanews.kz/51648