Bul týraly brifingte QR Strategiialyq josparlaý jáne reformalar agenttigi Ulttyq statistika biýrosynyń Túrkistan oblysy boiynsha departamenti basshysynyń orynbasary Nurqoja Bekjanov málimdedi, – dep habarlaidy Dalanews.kz.
– 2023 jyldyń 1 jeltoqsanyndaǵy kórsetkish boiynsha Túrkistan oblysy halqynyń sany 2 140 926 adamdy qurady. Onyń ishinde qala halqy – 527 633 adam, aýyl halqy – 1 613 293 adam. 2023 jyldyń qańtar-qarasha ailarynda 51 145 bala týǵan. Onyń 26 323-i – ul bala, 24 822-si – qyz bala. Búginde oblys týý boiynsha respýblikada kósh basynda, onyń úlesi 14,3% qurap otyr, – dedi Nurqoja Ermekuly.
Budan bólek, spiker ótken jyldyń qańtar-qarasha ailarynda 10 826 neke tirkelgendigin aitty. Sondai-aq, 2023 jyly tirkelgen ajyrasýlar sany 2022 jylmen salystyrǵanda 5,6%-ǵa kemigenin jetkizdi.
Sonymen qatar, ótken jyldyń qańtar-qarasha ailarynda kóshi-qonmen oblysqa 35 953 adam kelgen. Onyń ishinde 35 473 adam – Qazaqstannyń basqa oblystarynan, 473 adam – yntymaqtastyq elderinen, 7 adam - alys shet elderden kelgen. Jalpy oblys ishindegi kóshi-qon 40 373 adamdy quraǵan.
