بۇل تۋرالى بريفينگتە ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ تۇركىستان وبلىسى بويىنشا دەپارتامەنتى باسشىسىنىڭ ورىنباسارى نۇرقوجا بەكجانوۆ مالىمدەدى، – دەپ حابارلايدى Dalanews.kz.
– 2023 جىلدىڭ 1 جەلتوقسانىنداعى كورسەتكىش بويىنشا تۇركىستان وبلىسى حالقىنىڭ سانى 2 140 926 ادامدى قۇرادى. ونىڭ ىشىندە قالا حالقى – 527 633 ادام، اۋىل حالقى – 1 613 293 ادام. 2023 جىلدىڭ قاڭتار-قاراشا ايلارىندا 51 145 بالا تۋعان. ونىڭ 26 323ء-ى – ۇل بالا، 24 822ء-سى – قىز بالا. بۇگىندە وبلىس تۋۋ بويىنشا رەسپۋبليكادا كوش باسىندا، ونىڭ ۇلەسى 14،3% قۇراپ وتىر، – دەدى نۇرقوجا ەرمەك ۇلى.
بۇدان بولەك، سپيكەر وتكەن جىلدىڭ قاڭتار-قاراشا ايلارىندا 10 826 نەكە تىركەلگەندىگىن ايتتى. سونداي-اق، 2023 جىلى تىركەلگەن اجىراسۋلار سانى 2022 جىلمەن سالىستىرعاندا 5،6%-عا كەمىگەنىن جەتكىزدى.
سونىمەن قاتار، وتكەن جىلدىڭ قاڭتار-قاراشا ايلارىندا كوشى-قونمەن وبلىسقا 35 953 ادام كەلگەن. ونىڭ ىشىندە 35 473 ادام – قازاقستاننىڭ باسقا وبلىستارىنان، 473 ادام – ىنتىماقتاستىق ەلدەرىنەن، 7 ادام - الىس شەت ەلدەردەن كەلگەن. جالپى وبلىس ىشىندەگى كوشى-قون 40 373 ادامدى قۇراعان.
