Bul ótken jyldyń osy kezeńimen salystyrǵanda 30 paıyzǵa artqandyǵyn kórsetedi. Bul týraly Túrkistan oblystyq óńirlik komýnıkasıalar qyzmetinde ótken brıfıńte Statısıka departamentiniń basshysy Aıdar Ábildabekov málimdedi.
Budan bólek, Túrkistan oblysynyń respýblıkadaǵy aýyl sharýashylyǵy jalpy óniminiń úlesi – 14,6 paıyzdy qurap, elimizde 2-oryndy ıemdenip otyr. Sondaı-aq, respýblıkadaǵy ónerkásip óniminiń kólemindegi úlesi boıynsha oblys 14-shy orynǵa turaqtap, kórsetkish 1,6 paıyzdy quraǵan.
– Túrkistan oblysy boıynsha aýyl, orman jáne balyq sharýashylyǵy jalpy óniminiń kólemi 6 aı qorytyndysymen 147 mlrd. 148 mln. teńgeni qurap, ótken jylmen salystyrǵanda 4,3 paıyzǵa artty. Onyń ishinde mal sharýashylyǵy – 128 mlrd. 275 mln. teńge bolyp 4,7 paıyzǵa ósken, – dedi Aıdar Ahmetbekuly.
Sonymen qatar, óńirde jumys istep turǵan shaǵyn jáne orta kásipkerlik sýbektileriniń sany 2018 jyldyń 1 shildesinde 126 975 birlikti qurap, 2017 jyldyń tıisti kezeńi deńgeıinen 2,7 paıyzǵa joǵary bolyp otyr. Elimiz boıynsha jumys isteıtin sýbektilerdiń 10,6 paıyzy Túrkistan oblysyna tıesili. Aǵymdaǵy jyldyń qańtar-naýryz aılarynyń esebi boıynsha, shaǵyn jáne orta kásipkerliktegi sýbektileriniń ónim shyǵarylymy – 52 mlrd. 888 mln. teńgege jetken.
Túrkistan oblysy ákiminiń baspasóz qyzmeti
