بۇل وتكەن جىلدىڭ وسى كەزەڭىمەن سالىستىرعاندا 30 پايىزعا ارتقاندىعىن كورسەتەدى. بۇل تۋرالى تۇركىستان وبلىستىق وڭىرلىك كوممۋنيكاسيالار قىزمەتىندە وتكەن بريفينگتە ستاتيستيكا دەپارتامەنتىنىڭ باسشىسى ايدار ابىلدابەكوۆ مالىمدەدى.
بۇدان بولەك، تۇركىستان وبلىسىنىڭ رەسپۋبليكاداعى اۋىل شارۋاشىلىعى جالپى ءونىمىنىڭ ۇلەسى – 14،6 پايىزدى قۇراپ، ەلىمىزدە 2-ورىندى يەمدەنىپ وتىر. سونداي-اق، رەسپۋبليكاداعى ونەركاسىپ ءونىمىنىڭ كولەمىندەگى ۇلەسى بويىنشا وبلىس 14-شى ورىنعا تۇراقتاپ، كورسەتكىش 1،6 پايىزدى قۇراعان.
– تۇركىستان وبلىسى بويىنشا اۋىل، ورمان جانە بالىق شارۋاشىلىعى جالپى ءونىمىنىڭ كولەمى 6 اي قورىتىندىسىمەن 147 ملرد. 148 ملن. تەڭگەنى قۇراپ، وتكەن جىلمەن سالىستىرعاندا 4،3 پايىزعا ارتتى. ونىڭ ىشىندە مال شارۋاشىلىعى – 128 ملرد. 275 ملن. تەڭگە بولىپ 4،7 پايىزعا وسكەن، – دەدى ايدار احمەتبەك ۇلى.
سونىمەن قاتار، وڭىردە جۇمىس ىستەپ تۇرعان شاعىن جانە ورتا كاسىپكەرلىك سۋبەكتىلەرىنىڭ سانى 2018 جىلدىڭ 1 شىلدەسىندە 126 975 بىرلىكتى قۇراپ، 2017 جىلدىڭ ءتيىستى كەزەڭى دەڭگەيىنەن 2،7 پايىزعا جوعارى بولىپ وتىر. ەلىمىز بويىنشا جۇمىس ىستەيتىن سۋبەكتىلەردىڭ 10،6 پايىزى تۇركىستان وبلىسىنا تيەسىلى. اعىمداعى جىلدىڭ قاڭتار-ناۋرىز ايلارىنىڭ ەسەبى بويىنشا، شاعىن جانە ورتا كاسىپكەرلىكتەگى سۋبەكتىلەرىنىڭ ءونىم شىعارىلىمى – 52 ملرد. 888 ملن. تەڭگەگە جەتكەن.
تۇركىستان وبلىسى اكىمىنىڭ باسپا ءسوز قىزمەتى
