Túrkistan oblys ortalyǵy bolý Kentaýǵa oń ózgerister ákeldi
Oblys ortalyǵyna eń jaqyn ornalasqan Kentaý qalasy Túrkistanmen birge damityn bolady. Qazirdiń ózinde investitsiia salatyn kóptegen kompaniialar Kentaýǵa qyzyǵýshylyq tanytýda. Sonyń biri – Túrkiianyń ataqty «Dal Holding Investment CO» kompaniiasy. Jaqynda ǵana atalǵan kompaniia ókilderi oblys ákimimen kezdesti.
Onyń aldynda Elbasynyń Túrkiiaǵa sapary kezinde uiymdastyrylǵan biznes-forýmda Túrkistan oblysymenn memorandýmǵa turǵan bolatyn. Iaǵni, bul kompaniia 200 gektar jerge zamanaýi tehnologiialarmen jaraqtanǵan jylyjai salmaq. Kentaý qalasy ákimdigi qajetti jerdi anyqtap bergen. Quny 300 mln. AQSh dollary bolatyn joba arqyly 700 jumys orny ashylmaq.
Bul jylyjai «Batys Eýropa – Batys Qytai» halyqaralyq kólik dálizine 25 shaqyrym jerge ornalasqan. Kentaýdaǵy jylyjai kesheni aýyl sharýashylyǵy ónimderin molaityp, elimizdiń eksporttyq áleýetin kótereri anyq. Qazir arnaiy jospar jasalyp, daiyndyq jumystary júrgizilýde.
Qalada týristik salany damytý máselesinde de qolǵa alynyp jatqan jumystar bar. Qusshy ata aýylyndaǵy kók shalǵyn jerge shaǵyn mobildi týristik úishikter qoiý úshin jer qarastyrylýda. Qarataý qoryǵyna barar joldardy retke keltirilgen. Sondai-aq, kún sáýlesinen elektr energiiasyn alatyn biraz stansalar salýda josparda bar.
Dalanews.kz
