Túrkistan: «Nur Otan» fraktsiiasynda ózekti máseleler talqylandy
Májilisti Túrkistan oblystyq máslihatyndaǵy «Nur Otan» partiiasy fraktsiiasyny jetekshisi Beisenbai Tájibaev ashyp, júrgizip otyrdy.
Kún tártibindegi birinshi másele – Túrkistan oblysynda qoǵamdyq qaýipsizdikti jáne quqyq tártibin qamtamasyz etý boiynsha oblystyq politsiia departamentiniń bastyǵy, politsiia general-maiory Qairat Dálbekovtyń habarlamasy tyńdaldy. Onyń aitýynsha, ótken jyly Túrkistan oblysynda qylmys sany tómendegen.
– 2020 jyldyń 12 aiynda asa aýyr qylmystardyń ashylýy 96,7%-ǵa joǵarylady. Mal urlyǵyna bailanysty qylmystar 2 esege azaiǵan. Oblys kólemindegi politsiia baqylaýyndaǵy 56 beinekamera men 21 fiksatordyń kómegimen 64 445 ákimshilik quqyq buzýshylyq anyqtalǵan. Oǵan 4 mlrd. 364 mln. 284 myń teńge somasyna aiyppul salynyp, 2 mlrd. 412 mln. 808 myń teńge óndirildi, – degen Qairat Dálbekov oblys ortalyǵyna jumys isteýge kelgen politsiia qyzmetkerlerin baspanamen qamtý máselesi sheshilse degen usynysyn jetkizdi.
Kún tártibindegi ekinshi másele – oblys ákimdiginiń jergilikti memlekettik-jekeshelik áriptestik jobalarynyń iske asyrylýy boiynsha oblystyq strategiia jáne ekonomikalyq damý basqarmasynyń basshysy Qanat Qaiypbek baiandama jasady.
– Jalpy oblysta memlekettik-jekeshelik áriptestik tetigi arqyly 2020 jyly 19 jobaǵa 145,4 mlrd.teńgege memlekettik mindetteme alyndy. Densaýlyq salasy boiynsha oblysta 1 mlrd teńgege 9 feldsherlik-akýsherlik pýnkttiń qurylys-montajdaý jumystary júrgiziledi. Sport salasy boiynsha «Tarlan» balalar men jasóspirimder sport mektebin uiymdastyrý, servistik qyzmet kórsetý jobasy iske asyrylýda. Sonymen birge «Meiir» ardagerler úii jańǵyrtylýda, – degen basqarma basshysy memlekettik-jekeshelik áriptestik aiasynda Kentaý, Arys qalalarynda da aýqymdy jobalar júzege asyp jatqanyn atap ótti.
Májiliste depýtattar jaryssózge shyǵyp, baiandamashylarǵa suraqtar qoiyp, usynystaryn jetkizdi. Fraktsiia jetekshisi Beisenbai Tájibaev «Nur Otan» partiiasynyń Túrkistan oblysy boiynsha «Ózgerister joly: ár azamatqa laiyqty ómir!» atty sailaýaldy baǵdarlamasyn oryndaý jónindegi Jol kartasyn júzege asyrýda kún tártibindegi máseleler mańyzdy rólge ie ekenine toqtaldy.
Jol kartasynda oblys boiynsha ishki ister departamentine 2021 jyly aýdan, qalalarda 119 dana beinebaqylaý kameralaryn ornatý, jol-patrýldik politsiia qyzmetkerlerin 588 dana videoregistratorlarmen jabdyqtaý, Túrkistan, Kentaý, Arys qalalary men Qazyǵurt, Saryaǵash, Sairam aýdandarynyń jergilikti politsiia bólimshelerinde 57 onlain rejiminde baqylaityn beinekameralar ornatý jospary engizilgen. Osyǵan toqtalǵan fraktsiia jetekshisi memlekettik-jekeshelik áriptestik salasynda da túitkilder bar ekenin aitty.
– Ózderińizge belgili, 2020 jyldyń 14 jeltoqsanynda «Nur Otan» partiiasy tóraǵasynyń birinshi orynbasary Baýyrjan Qydyrǵaliuly bastaǵan respýblikalyq sailaýaldy shtabyna Kentaý turǵyndarynan shaǵym tústi. Onda Kentaý qalasynda ornalasqan 42 jekemenshik balabaqshanyń birazynda jalaqy qaryzy bar ekeni anyqtaldy. Bul másele partiialyq baqylaý komissiiasy arqyly talqylanyp, tiisti shara kórilgen. Dál osyǵan uqsas másele Keles jáne Saryagash, Sozaq aýdandarynda da bar ekeni anyqtaldy, – degen ol atalǵan máseleler partiia baqylaýyna alynyp, sheshimin taýyp jatqanyn aitty.
Fraktsiia otyrysy qortyndysy boiynsha baiandamashylardyń habarlamalary nazarǵa alynyp, kún tártibindegi máseleler máslihattyń kezekti sessiiasyna usynylsyn degen qaýly qabyldandy.
