Aldymen «Qazaqstannyń kieli jerler geografiiasy» arnaiy jobasy boiynsha Túrkistan oblysynan 24 nysan respýblikalyq tizimge engizildi. 60-tan astam tarihi-mádeni eskertkishter oblystyq mańyzy bar qasietti oryndar tizimine kirdi.
Oblystaǵy kieli oryndardy retke keltirý, damytý úshin 2018 jyly demeýshiler tarapynan quny 208,4 mln. teńgege jumystar, sharalar atqaryldy.
IýNESKO-nyń «Uly Jibek joly eskertkishteri» atalymy boiynsha álemdik mádeni muralar tizimine engen ortaǵasyrlyq 8 eskertkish (Saýran qalashyǵy, Túrkistan, Sidaq, Qaraspan, Jýantóbe, Kúltóbe, Otyrar oazisiniń eskertkishteri, Bórjar qorǵany) týraly tuńǵysh ret derekti filmder túsirildi.
Tarihi-mádeni muralarymyzdy nasihattap, jastarǵa patriottyq tárbie berý maqsatynda túsirilgen «Kóne jetigenniń syry» atty 10 seriialy telehikaia, «Kieli Qazyǵurt», «Otyrardy qorǵaý», «Kúsh atasy – Qajymuqan», «Báidibek bi», atty tarihi-animatsiialyq filmder ázirlenip, respýblikalyq telearnalardan kórsetildi.
Sonymen qatar Otyrar qalashyǵyn týristik nysanǵa ainaldyrý maqsatynda qalashyq qaqpasyn qaita qurý, irgeles aýmaǵyn abattandyrý, kógaldandyrý jobasy, Vizit-ortalyǵynyń qurylysy da bastaldy.
2018 jyly «Kieli Túrkistan jáne túrki dúniesiniń rýhani jańǵyrýy» atty ǵylymi-teoriialyq halyqaralyq konferentsiiasy ótkizildi.
Oblystaǵy airyqsha mańyzy bar tarihi-mádeni jáne arheologiia eskertkishteriniń fotoalbomy jáne «Ońtústiktiń qasietti oryndary: ańyz-ápsanalar» jinaǵy jaryq kórdi.
Oblysta «Jańa gýmanitarlyq bilim 100 jańa oqýlyq» arnaiy jobasy boiynsha memlekettik tilge aýdarylǵan 18 oqýlyqty tanystyrý sharalary ótti. Oǵan oblystaǵy joǵary oqý orny basshylary men ziialy qaýym ókilderi qatysty.
«Qazirgi zamanǵy qazaqstandyq mádeniet jahandyq álemde» arnaiy jobasy boiynsha 2018 jyly oblys ónerpazdary men mádeniet qairatkerleri álemniń 10 memleketinde óner kórsetti. Baiqaýlar men festivalderge qatysty.
«Memlekettik tildiń latyn qarpine kóshýi» arnaiy jobasyn júzege asyrý maqsatynda búgingi tańda oblysta myńnan astam is-shara ótkizildi. Shet elderden kelgen jazýshylar, ziialy qaýym ókilderi, túrkitanýshy ǵalymdarynyń qatysýymen seminarlar men ǵylymi-praktikalyq konferentsiialar ótkizildi.
2017 jyly «Qazaqstannyń 100 jańa esimi» arnaiy jobasyna engizilgen memlekettik «Daryn» syilyǵynyń iegeri, aitysker aqyn B. Shoibekov, jeke kásipker S.Ertaev, Q.Orynbasar, E.Velk, Á.Dálievalarmen kezdesýler ótkizildi.
«Rýhani jańǵyrý» baǵdarlamasy aiasyndaǵy is-sharalardy Túrki elderi arasynda keńinen nasihattaý maqsatynda «TÚRKISTAN MEDIA»halyqaralyq ortalyǵy ashylyp, jumys atqarýda. Sonymen qatar, media ortalyqtyń bazasynda «TÚRKISTAN» intellektýaldy klýby ashylyp, Baǵdarlama aiasynda respýblikaǵa tanymal tulǵalarmen qyzyqty suhbattar uiymdastyrylýda.
Oblys ortalyǵy Túrkistanǵa kóshirilgen soń oblystyq «Rýhani jańǵyrý» Jobalyq keńsesi Túrkistan qalasyndaǵy Q.A.Iasaýi atyndaǵy halyqaralyq Qazaq-Túrik ýniversitetiniń bazasynda ornalasty. Tiisti materialdyq-tehnikalyq jabdyqtarmen qamtamasyz etilgen. Búginde oblystaǵy 16 aýdan, qalada Jobalyq keńseler tolyǵymen qurylyp, jumys atqaryp keledi.
Igi isterge jumyla ketetin Túrkistan jurtshylyǵy «Rýhani jańǵyrý» baǵdarlamasynyń eki jyldyǵyn osyndai tabystarmen qarsy aldy. Alda da atqarylar jumys kóp jáne ulttyq qundylyqtardy dáripteýge degen qulshynys óte joǵary. Jańa dáýiri bastalǵan Túrkistan áli talai bastamalardyń ordasyna ainalatyny sózsiz.
Túrkistan oblysy ákiminiń baspasóz qyzmeti
