Elbasynyń tapsyrmasyna sáikes, oblystaǵy naryq sýbektileriniń 59 qyzmet túri boiynsha tarifteri tómendetildi. Tómendetilgen tarifter biylǵy jyldyń 1 qańtarynan qoldanysqa engizildi.
Nátijesinde, halyqtyń kommýnaldyq qyzmetke tóleitin qarajatyn únemdeý shamamen 3,04 mlrd. teńgeni quraidy. Óńirlik kommýnikatsiialar qyzmetinde ótken brifingte oblystyq Monopoliiaǵa qarsy departamenti basshysynyń orynbasary Qymbat Beisenov málimdedi.
Elektr energiiasyn tasymaldaý tarifi – 2019 jyldyń 1 qańtarynan bastap 10,2 paiyzǵa, iaǵni 7, 38 teńgeden 6,64 teńgege deiin tústi. Tasymaldaý jáne óndirýshi stansalardyń tarifteriniń tómendeýi esebinen túpkilikti tariftiń tómendeýi 6,8 paiyzdy qurady.
Sondai-aq, osy ýaqyttan bastap tutynýshylardyń qordalanǵan qaryzy úshin elektr energiiasynan qaita qosý tólemi «Ońtústik Jaryq Tranzit» jáne «Energopotok» seriktesterimen – 40 paiyzǵa deiin tómendetilgen.
Aǵymdaǵy jyldyń 1 qańtarynan oblystyń ishki júielermen gazdy tasymaldaýǵa bekitilgen «QazTransGazAimaq» AQ tarifi 12,7 paiyzǵa tómendetiledi.
Nátijesinde tasymaldaý jáne kóterme baǵa túsý esebinen sońǵy tutynýshylar úshin gaz tarifi 5,8 paiyz túsirilip, jeke tulǵalar – 32,47 teńge, al halyqty jylýmen qamtamasyz etetin zańdy tulǵalarǵa – 28,27 teńgeni quramaq.
Oblysta ortalyqtandyrylǵan jylýmen qamtamasyz etetin 6 memlekettik kommýnaldyq kásiporyn bar. Kómir otynyn qoldana otyryp jylý energiiasyn shyǵaratyn mekemeler tarifin 1,4-24 paiyz aralyǵynda túsirip otyr.
Sonymen qatar, ótken jyldyń qazan aiynan bastap «Qazposhta» aktsionerlik qoǵamy (budan ári – Qoǵam) tarapynan kommýnaldyq qyzmetterge arnalǵan tólem túbirtek blankilerin óńdegeni úshin tutynýshylardan 150 teńge mólsherinde komissiialyq tólem alynatyndyǵy anyqtaldy.
Búginde atalǵan komissiialyq tólemniń mólsherin azaitý maqsatynda, Departamentpen tiisti jumystar júrgizildi. Sonyń nátijesinde, kommýnaldyq qyzmetterge arnalǵan tólem túbirtek blankilerin óńdegeni úshin, tutynýshylardan 150 teńge mólsherinde alynatyn komissiialyq tólem, jeke tulǵalar úshin – 50 teńgege tómendetilip, zeinetkerler, múgedek jandar jáne UOS ardagerleri men teńestirilgender úshin – tegin boldy.
