«Túrkistan» kemesi teńizge jol tartty
QR UQK baspasóz qyzmetiniń habarlaýynsha, jańa keme aýmaqtyq sýlardy, memlekettik shekarany jáne kontinenttik qairańdy qorǵaýdy qamtamasyz etýge arnalǵan.
Qazaqstan qalalarynyń simvolikalyq ataýlary bar kemeler kóptegen jyldar boiy Teńiz shepterin qorǵaýdy tiimdi qamtamasyz etip keledi. Bul qatarda «Nur-Sultan» men «Qaraǵandy» kemeleri de bar.
Saltanatty sharaǵa Batys Qazaqstan oblysynyń ákimi Ǵ. N. Esqaliev, kúsh vedomstvolarynyń basshylyǵy, «Zenit» zaýytynyń ujymy, kemeniń jeke quramy, sondai-aq Oral qalasynyń turǵyndary qatysty.
– Kemeni qalai atasań, solai júzedi. Búginde Túrkistan qalasy qarqyndy damyp keledi jáne taiaý bolashaqta álemdik týrizmniń ortalyǵyna ainalmaq. Shekarashylarymyz jańa kememen áskeri qyzmettiń joǵary nátijelerine qol jetkizedi dep senemiz. «Túrkistan» atty kemeniń teńiz shekarashylarynyń qatary elimizdiń teńiz shepterin kúzetýdi armandaityn Túrkistan oblysynyń jas ári myqty jigitterimen tolyǵady dep úmittenemiz! – dedi óz sózinde UQK ShQ shekara kúzeti departamenti bastyǵynyń orynbasary birinshi dárejeli kapitan S. Haidarov..
Atalǵan rásim Áskeri-teńiz shekara Týyn jáne «Túrkistan» korabliniń komandirine taqtaishany tapsyrýmen, sherýge qatysýshy korablder men katerler teńizge shyǵýymen jalǵasty. Qýanyshqa ortaqtasqan Oral qalasynyń turǵyndary, zaýyt jumysshylary men keme ekipajy orkestrmen birge kemege sát-sapar tilep shyǵaryp saldy.
