Búgin oblys ákiminiń orynbasary Beisenbai Tájibaevtyń tóraǵalyǵymen 2025 jyldyń alǵashqy jeti aiynda atqarylǵan jumystar boiynsha keńeitilgen jiyn ótti,- dep habarlaidy Dalanews.kz
Májiliske Oblystyq jumyspen qamtýdy úilestirý jáne áleýmettik baǵdarlamalar, bilim, densaýlyq saqtaý, aýyl sharýashylyǵy, týrizm, kásipkerlik jáne saýda, qurylys, jolaýshylar kóligi jáne avtomobil joldary, energetika jáne turǵyn úi-kommýnaldyq sharýashylyq basqarmalary, «Eńbek mobildiligi ortalyǵy» KMM basshylary men ókilderi qatysty.
Oblystyq jumyspen qamtýdy úilestirý jáne áleýmettik baǵdarlamalar basqarmasy basshysy Ásiia Temirbaeva atqarylyp jatqan jumystarǵa toqtalyp, usynysyn jetkizdi. Al basqarma basshysynyń orynbasary Almas Ábdiqadyrovtyń baiandaýynsha, jyl basynan beri óńirde 130 myńnan astam jumys ornyn ashý kózdelip, búginde 74 myńnan asa adam jumyspen qamtylǵan. Onyń 35 812-i turaqty, 38 215-i ýaqytsha sýbsidiialanǵan jumys oryndaryna ornalasqan. Sonymen qatar ulttyq jobalar arqyly 2 700-den astam azamat, jeke investitsiialyq jobalar aiasynda 1400-ge jýyq adam eńbekke tartylǵan. Jobalardyń basym bóligi qurylys, turǵyn úi-kommýnaldyq sharýashylyq jáne jol salalary arqyly iske asty. Sonlai-aq densaýlyq saqtaý, mádeniet salalary boiynsha da jańa jumys oryndary ashylǵan. Budan bólek, «10 myń turǵynǵa – 100 jumys orny» jobasy sheńberinde 8300-den astam jańa jumys orny usynyldy.
Óńirdegi jumys oryndarynyń kóbeiýine jeke tartylǵan investitsiialyq jobalar da yqpal etýde. Biyl oblysta jeke qarjy esebinen 125 joba júzege asyrylýy kerek. Búginde onyń 88-i iske qosylyp, 1398 adam turaqty jumysqa qabyldandy. Jobalar negizinen aýyl sharýashylyǵy, kásipkerlik jáne týrizm salalaryna tiesili. Bul aýyldyq jerlerdegi jumyssyzdyqty azaitýǵa oń áserin tigizbek.
Májiliste kásip bastaimyn degen azamattarǵa da jan-jaqty qoldaý kórsetilip jatqany aityldy. Máselen, jyl basynan beri 859 adam memlekettik qaitarymsyz grant iegeri atanǵan. Onyń ishinde 40-qa jýyǵy probatsiia esebinde turǵan azamattar.
– Halyqty jumyspen qamtý – bul jai ǵanakórsetkish úshin atqarylatyn jumys emes. Árbir azamattyń naqty tabysqa, kásibi ósýge jáneturaqty eńbekke qol jetkizýi – bizdiń basty maqsatymyz. Ásirese, jastar men áleýmettik osal toptarǵa qoldaý kórsetý máselesi nazardan tys qalmaýǵa tiis, - dep jiyndy qorytyndylaǵan Beisenbai Dáýletuly jaýapty tulǵalarǵa birqatar tapsyrmalar júktedi.
