بۇگىن وبلىس اكىمىنىڭ ورىنباسارى بەيسەنباي تاجىبايەۆتىڭ توراعالىعىمەن 2025 جىلدىڭ العاشقى جەتى ايىندا اتقارىلعان جۇمىستار بويىنشا كەڭەيتىلگەن جيىن ءوتتى،- دەپ حابارلايدى Dalanews.kz
ماجىلىسكە وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار، ءبىلىم، دەنساۋلىق ساقتاۋ، اۋىل شارۋاشىلىعى، تۋريزم، كاسىپكەرلىك جانە ساۋدا، قۇرىلىس، جولاۋشىلار كولىگى جانە اۆتوموبيل جولدارى، ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارمالارى، «ەڭبەك موبيلدىلىگى ورتالىعى» كمم باسشىلارى مەن وكىلدەرى قاتىستى.
وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى باسشىسى ءاسيا تەمىربايەۆا اتقارىلىپ جاتقان جۇمىستارعا توقتالىپ، ۇسىنىسىن جەتكىزدى. ال باسقارما باسشىسىنىڭ ورىنباسارى الماس ءابدىقادىروۆتىڭ بايانداۋىنشا، جىل باسىنان بەرى وڭىردە 130 مىڭنان استام جۇمىس ورنىن اشۋ كوزدەلىپ، بۇگىندە 74 مىڭنان اسا ادام جۇمىسپەن قامتىلعان. ونىڭ 35 812ء-ى تۇراقتى، 38 215ء-ى ۋاقىتشا سۋبسيديالانعان جۇمىس ورىندارىنا ورنالاسقان. سونىمەن قاتار ۇلتتىق جوبالار ارقىلى 2 700-دەن استام ازامات، جەكە ينۆەستيسيالىق جوبالار اياسىندا 1400-گە جۋىق ادام ەڭبەككە تارتىلعان. جوبالاردىڭ باسىم بولىگى قۇرىلىس، تۇرعىن ۇي-كوممۋنالدىق شارۋاشىلىق جانە جول سالالارى ارقىلى ىسكە استى. سونلاي-اق دەنساۋلىق ساقتاۋ، مادەنيەت سالالارى بويىنشا دا جاڭا جۇمىس ورىندارى اشىلعان. بۇدان بولەك، «10 مىڭ تۇرعىنعا – 100 جۇمىس ورنى» جوباسى شەڭبەرىندە 8300-دەن استام جاڭا جۇمىس ورنى ۇسىنىلدى.
وڭىردەگى جۇمىس ورىندارىنىڭ كوبەيۋىنە جەكە تارتىلعان ينۆەستيسيالىق جوبالار دا ىقپال ەتۋدە. بيىل وبلىستا جەكە قارجى ەسەبىنەن 125 جوبا جۇزەگە اسىرىلۋى كەرەك. بۇگىندە ونىڭ 88ء-ى ىسكە قوسىلىپ، 1398 ادام تۇراقتى جۇمىسقا قابىلداندى. جوبالار نەگىزىنەن اۋىل شارۋاشىلىعى، كاسىپكەرلىك جانە تۋريزم سالالارىنا تيەسىلى. بۇل اۋىلدىق جەرلەردەگى جۇمىسسىزدىقتى ازايتۋعا وڭ اسەرىن تيگىزبەك.
ماجىلىستە كاسىپ باستايمىن دەگەن ازاماتتارعا دا جان-جاقتى قولداۋ كورسەتىلىپ جاتقانى ايتىلدى. ماسەلەن، جىل باسىنان بەرى 859 ادام مەملەكەتتىك قايتارىمسىز گرانت يەگەرى اتانعان. ونىڭ ىشىندە 40-قا جۋىعى پروباسيا ەسەبىندە تۇرعان ازاماتتار.
– حالىقتى جۇمىسپەن قامتۋ – بۇل جاي عاناكورسەتكىش ءۇشىن اتقارىلاتىن جۇمىس ەمەس. ءاربىر ازاماتتىڭ ناقتى تابىسقا، كاسىبي وسۋگە جانەتۇراقتى ەڭبەككە قول جەتكىزۋى – ءبىزدىڭ باستى ماقساتىمىز. اسىرەسە، جاستار مەن الەۋمەتتىك وسال توپتارعا قولداۋ كورسەتۋ ماسەلەسى نازاردان تىس قالماۋعا ءتيىس، - دەپ جيىندى قورىتىندىلاعان بەيسەنباي داۋلەت ۇلى جاۋاپتى تۇلعالارعا ءبىرقاتار تاپسىرمالار جۇكتەدى.
