Jas mamandar komissiia múshelerine ózderiniń teoriialyq bilimderi men alǵashqy meditsinalyq kómek berýdiń tájiribelik daǵdylaryn kórsetti. Árbir qatysýshy suraqtarǵa jaýap berip, tájiribelik eptilikterin baiqatty. Úmitkerlerdiń qatarynda kópbalaly otbasydan shyqqan 86 jáne ata-analary múmkindigi shekteýli 17 jas boldy. Jumysqa turǵan jastardyń arasynda múmkindigi shekteýli jandar bar.
Irikteý konkýrsynyń nátijesi boiynsha komissiia músheleri 279 mamandy jumysqa ornalastyrý týraly sheshim qabyldady. Aita keteiik, búginde aimaqta áleýmettik jaǵynan az qamtylǵan otbasy múshelerin turaqty jumysqa tartý jaǵyna kóp kóńil bólinýde.
Sondai-aq, oblysta Memleket basshysynyń tapsyrmasyna sáikes 5300 dárigerdiń eńbek jalaqysy 30 paiyzǵa, 18 myńnan asa orta býyndy mamannyń ailyǵy 20 paiyzǵa kóterildi. Elimizde «náreste men bala ólimin azaitý» boiynsha bekitilgen jospardy júzege asyrý maqsatynda neanatolog dárigerlerdiń jalaqysyna 50 paiyzdyq ústemaqy qosý týraly sheshim qabyldandy. Budan bólek, meditsinalyq emes zerthana mamandarynyń ailyq jalaqylary 30 paiyzǵa ósti.
Túrkistan oblysy ákiminiń baspasóz qyzmeti
