جاس ماماندار كوميسسيا مۇشەلەرىنە وزدەرىنىڭ تەوريالىق بىلىمدەرى مەن العاشقى مەديسينالىق كومەك بەرۋدىڭ تاجىريبەلىك داعدىلارىن كورسەتتى. ءاربىر قاتىسۋشى سۇراقتارعا جاۋاپ بەرىپ، تاجىريبەلىك ەپتىلىكتەرىن بايقاتتى. ۇمىتكەرلەردىڭ قاتارىندا كوپبالالى وتباسىدان شىققان 86 جانە اتا-انالارى مۇمكىندىگى شەكتەۋلى 17 جاس بولدى. جۇمىسقا تۇرعان جاستاردىڭ اراسىندا مۇمكىندىگى شەكتەۋلى جاندار بار.
ىرىكتەۋ كونكۋرسىنىڭ ناتيجەسى بويىنشا كوميسسيا مۇشەلەرى 279 ماماندى جۇمىسقا ورنالاستىرۋ تۋرالى شەشىم قابىلدادى. ايتا كەتەيىك، بۇگىندە ايماقتا الەۋمەتتىك جاعىنان از قامتىلعان وتباسى مۇشەلەرىن تۇراقتى جۇمىسقا تارتۋ جاعىنا كوپ كوڭىل بولىنۋدە.
سونداي-اق، وبلىستا مەملەكەت باسشىسىنىڭ تاپسىرماسىنا سايكەس 5300 دارىگەردىڭ ەڭبەك جالاقىسى 30 پايىزعا، 18 مىڭنان اسا ورتا بۋىندى ماماننىڭ ايلىعى 20 پايىزعا كوتەرىلدى. ەلىمىزدە «نارەستە مەن بالا ءولىمىن ازايتۋ» بويىنشا بەكىتىلگەن جوسپاردى جۇزەگە اسىرۋ ماقساتىندا نەاناتولوگ دارىگەرلەردىڭ جالاقىسىنا 50 پايىزدىق ۇستەماقى قوسۋ تۋرالى شەشىم قابىلداندى. بۇدان بولەك، مەديسينالىق ەمەس زەرتحانا ماماندارىنىڭ ايلىق جالاقىلارى 30 پايىزعا ءوستى.
تۇركىستان وبلىسى اكىمىنىڭ باسپا ءسوز قىزمەتى
