Túrkistan oblysynyń ákimi Nuralhan Kósherovtiń tapsyrmasyna sáikes, oblystyq delegatsiia Qazaqstan Respýblikasynyń saýda jáne integratsiia ministri Arman Shaqqaliev bastaǵan delegatsiia quramymen Tegeran qalasynda Qazaqstan Respýblikasy men Iran Islam Respýblikasy ekonomikalyq belsendileriniń forýmyna qatysty, dep habarlaidy Dalanews.kz.
Forýmnyń negizgi maqsaty – Qazaqstan Respýblikasy men Iran Islam Respýblikasy arasynda eki jaqty saýda-ekonomikalyq yntymaqtastyqty arttyrý jáne jergilikti kásipkerlermen tájiribe almasý.
Issapar barysynda QR saýda jáne integratsiia ministri Arman Shaqqaliev bastaǵan delegatsiia quramy Iran Islam Respýblikasynyń ónerkásip, ken jáne saýda ministri Seied Mohammad Atabekkpen kezdesti.
Forým aiasynda, Túrkistan oblysy kásipkerlik jáne ónerkásip basqarma basshysy N.Myrzahmetov Túrkistan oblysynda 25 mln. AQSh dollaryna «kilem óndirisi zaýyty» jobasyn iske asyrý boiynsha «Sorena Carpet Co» JShS basshysy Reza Mahmoudian jáne Iran Carpet Export Symposium basshysy Naser Seraji arasynda ózara yntymaqtastyq týraly memorandýmǵa qol qoidy.
Forým barysynda B2B formatynda iskerlik kezdesýler ótti. Túrkistan oblysy kásipkerlik jáne ónerkásip basqarma basshysy irandyq traktor shyǵarýshy «Iran Tractor Co.Ltd» basshysy Nasi Abbasi myrzamen, Iran Islam Respýblikasynyń aýyl sharýashylyq ministrliginiń balyq sharýashylyǵy departamentiniń direktory Mehdi Shahoýrimen, Iran saýda jáne ónerkásip palatasynyń tóraǵasy Amir Abedimen jáne taǵy basqa kásiporyn basshylarymen traktor qurastyrý, balyq jemin óndirý, mal terisi men júnin qaita óńdeý salalary boiynsha tabysty kelissózder júrgizdi. Sonymen qatar Irandaǵy kilem óndirisine mashyqtanǵan Kashan qalasyna baryp,
«Adet Carpet Co.Ltd», «Ektiban Carpet Co.Ltd», «Sorena Carpet Co.» kilem zaýyttaryn aralap, jumystarymen tanysty.
Túrkistanda irandyq kilemderdiń shoý-rýmyn jáne kilem zaýytyn ashý týraly eki jaqty talqylaýlar júrgizdi. Aldaǵy ýaqytta Irandyq kásipkerler oblysymyzdyń invstitsiialyq ahýalymen tanysý maqsatynda arnaiy issaparmen kelýdi josparlanyp otyr.
