تۇركىستان وبلىسىنىڭ اكىمى نۇرالحان كوشەروۆتىڭ تاپسىرماسىنا سايكەس، وبلىستىق دەلەگاسيا قازاقستان رەسپۋبليكاسىنىڭ ساۋدا جانە ينتەگراسيا ءمينيسترى ارمان شاققالييەۆ باستاعان دەلەگاسيا قۇرامىمەن تەگەران قالاسىندا قازاقستان رەسپۋبليكاسى مەن يران يسلام رەسپۋبليكاسى ەكونوميكالىق بەلسەندىلەرىنىڭ فورۋمىنا قاتىستى، دەپ حابارلايدى Dalanews.kz.
فورۋمنىڭ نەگىزگى ماقساتى – قازاقستان رەسپۋبليكاسى مەن يران يسلام رەسپۋبليكاسى اراسىندا ەكى جاقتى ساۋدا-ەكونوميكالىق ىنتىماقتاستىقتى ارتتىرۋ جانە جەرگىلىكتى كاسىپكەرلەرمەن تاجىريبە الماسۋ.
ءىسساپار بارىسىندا ق ر ساۋدا جانە ينتەگراسيا ءمينيسترى ارمان شاققالييەۆ باستاعان دەلەگاسيا قۇرامى يران يسلام رەسپۋبليكاسىنىڭ ونەركاسىپ، كەن جانە ساۋدا ءمينيسترى سەيەد موحامماد اتابەككپەن كەزدەستى.
فورۋم اياسىندا، تۇركىستان وبلىسى كاسىپكەرلىك جانە ونەركاسىپ باسقارما باسشىسى ن.مىرزاحمەتوۆ تۇركىستان وبلىسىندا 25 ملن. اقش دوللارىنا «كىلەم ءوندىرىسى زاۋىتى» جوباسىن ىسكە اسىرۋ بويىنشا «Sorena Carpet Co» ج ش س باسشىسى Reza Mahmoudian جانە Iran Carpet Export Symposium باسشىسى Naser Seraji اراسىندا ءوزارا ىنتىماقتاستىق تۋرالى مەموراندۋمعا قول قويدى.
فورۋم بارىسىندا B2B فورماتىندا ىسكەرلىك كەزدەسۋلەر ءوتتى. تۇركىستان وبلىسى كاسىپكەرلىك جانە ونەركاسىپ باسقارما باسشىسى يراندىق تراكتور شىعارۋشى «Iran Tractor Co.Ltd» باسشىسى ناسي ابباسي مىرزامەن، يران يسلام رەسپۋبليكاسىنىڭ اۋىل شارۋاشىلىق مينيسترلىگىنىڭ بالىق شارۋاشىلىعى دەپارتامەنتىنىڭ ديرەكتورى مەحدي شاحوۋريمەن، يران ساۋدا جانە ونەركاسىپ پالاتاسىنىڭ ءتوراعاسى امير ابەديمەن جانە تاعى باسقا كاسىپورىن باسشىلارىمەن تراكتور قۇراستىرۋ، بالىق جەمىن ءوندىرۋ، مال تەرىسى مەن ءجۇنىن قايتا وڭدەۋ سالالارى بويىنشا تابىستى كەلىسسوزدەر جۇرگىزدى. سونىمەن قاتار يرانداعى كىلەم وندىرىسىنە ماشىقتانعان كاشان قالاسىنا بارىپ،
«Adet Carpet Co.Ltd»، «Ektiban Carpet Co.Ltd»، «Sorena Carpet Co.» كىلەم زاۋىتتارىن ارالاپ، جۇمىستارىمەن تانىستى.
تۇركىستاندا يراندىق كىلەمدەردىڭ شوۋ-رۋمىن جانە كىلەم زاۋىتىن اشۋ تۋرالى ەكى جاقتى تالقىلاۋلار جۇرگىزدى. الداعى ۋاقىتتا يراندىق كاسىپكەرلەر وبلىسىمىزدىڭ ينۆستيسيالىق احۋالىمەن تانىسۋ ماقساتىندا ارنايى ىسساپارمەن كەلۋدى جوسپارلانىپ وتىر.
