Túrkistan oblysynda 597 kópqabatty turǵyn úı ortalyqtandyrylǵan jylýmen qamtamasyz etilgen. Túlkibas, Saıram, Báıdibek aýdandarynda aýa-raıyna baılanysty, jylytý maýsymy 6 qazanda bastaldy, al qalǵan aýdan-qalalarda 15 qazan-1 qarasha aralyǵynda qosylady. Bul týraly brıfıńte Túrkistan oblysynyń energetıka jáne turǵyn úı-kommýnaldyq sharýashylyq basqarmasy basshysynyń orynbasary Ábilhan Ábdiqadyrov málimdedi, – dep habarlaıdy Dalanews.kz.

Brıfıńte Túrkistan oblysyda kómir otynynyń qajettiligi 966,6 myń tonna, tasymaldanǵany 517 myń tonna (53%) ekeni aıtyldy. Qalǵany jylytý maýsymy bastalǵanǵa deıin tasymaldanady.

– Búdjettik mekemelerdiń kómir otynyna qajettiligi 142,8 myń tonna, ol tolyq tasymaldanǵan. Ortalyqtandyrylǵan jylý beretin kásiporyndardyń kómirge qajettiligi 99,3 myń tonna, tasymaldanǵany 27,4 myń tonna (28%). Al oblys turǵyndarynyń kómirge qajettiligi 724,4 myń tonna bolsa, tasymaldanǵany 347 myń tonna (48%). Tasymaldaý jumystary jalǵasýda, – dedi Ábilhan Áskeruly.

Aýdan-qala ákimdikteriniń málimetine sáıkes, oblys kóleminde 24 kómir tasymaldaıtyn oryn bar. Turǵyndar úshin temir jol tuıyǵy bar eldi-mekenderde 1 tonna Shubarkól otynnyń baǵasy 14 500-18 500 teńge aralyǵynda. Al temir jol tuıyǵy joq eldi-mekenderde 18 500-22 000 teńge arasynda. Ótken jyly qatty otyn baǵasy 13 500-18 500 teńge aralyǵynda bolǵan. Jalpy jylý berý maýsymyna daıyndyq barysy shtattyq rejımde jáne oblys ákiminiń qatań baqylaýynda.