Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrkistan. «Born Nomad» ulttyq qolónershiler baiqaýynyń jeńimpazdary anyqtaldy

Dalanews
Túrkistan. «Born Nomad» ulttyq qolónershiler baiqaýynyń jeńimpazdary anyqtaldy
Túrkistan qalasynda «Born Nomad» atty forým men qolónershiler festivali ótti. Ony «Atameken» ulttyq kásipkerler palatasy jáne Qazaqstandaǵy AQSh elshiligi uiymdastyrdy. Maqsat – áielderdiń kásipkerlik salasyndaǵy bastamalaryn qoldaý, dástúrli qolónerdi syrtqy naryqta ilgeriletý men shyǵarmashylyq indýstriialardy damytý arqyly mádeni murany saqtaý bolyp tabylady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.

«Born Nomad» forýmyna AQSh-tyń Almatydaǵy bas konsýly Kerolain Sevidj, «Atameken» UKP basqarma tóraǵasynyń orynbasary Oljas Ordabaev, sondai-aq jobaǵa qoldaý kórsetken «ExxonMobil» jáne «Chevron Kazakhstan» kompaniialarynyń ókilderi qatysty.

UKP basqarma tóraǵasynyń orynbasary Uiymdastyrýshylar ulttyq qolónershiler baiqaýy jáne forým qazaqstandyq qolónershilerdiń básekege qabilettiligin arttyryp, tanymal etýge yqpalyn tigizetinine senim bildirdi.

«Born Nomad» jobasy 2000-nan astam qolónershiniń nazaryna iligip, onyń ishinde 400-den astam qolónershi bilimin shyńdap, biznes daǵdysyn jetildirdi. 2021 jyl kreativti ekonomikanyń jyly bolyp jariialanǵany belgili. Bizde qolóner kásipkerligin jańa deńgeige shyǵarýdyń erekshe múmkindigi bar. Bul áielder biznesi úshin óte mańyzdy. Biz «Atameken» tarapynan barlyq qoldaýdy kórsetýge daiynbyz», – dedi Oljas Ordabaev.

«Born Nomad jobasy kásipker áielderge jan-jaqty múmkindik beredi, al olar óz kezeginde Qazaqstannyń mádeni murasyn álemge tanytady. Áiel múmkindikterin keńeitý – Amerika Qurama Shtattarynyń syrtqy saiasi basymdyqtyń biri», – dedi bas konsýl K.Sevidj.

Forým aiasynda «Born Nomad» ulttyq baiqaýynyń jeńimpazdary alty nominatsiia boiynsha marapattaldy. Atap aitsaq, «Dástúr nominatsiiasy» boiynsha Mádina Ahmetova (Shymkent), «Jańashyldyq nominatsiiasy» boiynsha Ásel Mektepbaeva, «Qolónershi áiel» nominatsiiasy boiynsha Damira Ábikenova, «Jas talant» nominatsiiasy boiynsha Ásel Mektepbaeva, «Shyǵarmashylyq yntymaqtastyq» nominatsiiasy boiynsha Balnur Ahmetqazieva (tórteýi de Nur-Sultan) jáne «3D-degi qolóner» nominatsiiasy boiynsha Aijan Tilenbekova (Almaty oblysy) jeńimpaz atandy. Al Gran-pri iegeri Damira Ábikenovaǵa (Nur-Sultan) 1 million teńge tapsyryldy.

Forýmda qolónershiler men kreativti ekonomikany qoldaýdaǵy máseleler, memleket tarapynan kórsetiletin kómek, qyz-kelinshekterdi qoldaýǵa baǵyttalǵan jobalar talqylandy.

Forým sessiialarynyń biri qazaq qólóneri jáne onyń jahandyq kreativti indýstriiada alatyn ornyn talqylaýǵa arnaldy.

Festivalde «Born Nomad» jobasyna qatysýshy qolónershiler buiymdary usynylǵan jármeńke ótti.

Aita keteiik, «Atameken» Ulttyq kásipkerler palatasy men AQSh diplomatiialyq missiiasy birlesip jariialaǵan bul baiqaýǵa elimizdiń 2000-nan astam qolónershisi qatysty. Baiqaý dástúrli qolónerdi nasihattap, mádeni murany saqtaý arqyly áielderdiń ekonomikalyq damýy men kásipker áielderdi qoldaýǵa arnalǵan «Qolónershi múmkindikterin keńeitý» atty aýqymdy joba aiasynda ótti. Forýmnyń Túrkistan qalasynda ótýi de kezdeisoq emes. Túrkistan – ejelden qolóneri damyǵan ári Uly Jibek Joly boiynda saýda salasy damyǵan shahar.
túrkistan jibek joly Atameken Forým Born Nomad jobasy Dástúr nominatsiiasy Mádina Ahmetova Ásel Mektepbaeva Damira Ábikenova Madina Sádýaqasova

Oqi otyryńyz