«Born Nomad» فورۋمىنا اقش-تىڭ الماتىداعى باس كونسۋلى كەرولاين سيەۆيدج، «اتامەكەن» ۇكپ باسقارما ءتوراعاسىنىڭ ورىنباسارى ولجاس وردابايەۆ، سونداي-اق جوباعا قولداۋ كورسەتكەن «ExxonMobil» جانە «Chevron Kazakhstan» كومپانيالارىنىڭ وكىلدەرى قاتىستى.
ۇكپ باسقارما ءتوراعاسىنىڭ ورىنباسارى ۇيىمداستىرۋشىلار ۇلتتىق قولونەرشىلەر بايقاۋى جانە فورۋم قازاقستاندىق قولونەرشىلەردىڭ باسەكەگە قابىلەتتىلىگىن ارتتىرىپ، تانىمال ەتۋگە ىقپالىن تيگىزەتىنىنە سەنىم ءبىلدىردى.
«Born Nomad» جوباسى 2000-نان استام قولونەرشىنىڭ نازارىنا ىلىگىپ، ونىڭ ىشىندە 400-دەن استام قولونەرشى ءبىلىمىن شىڭداپ، بيزنەس داعدىسىن جەتىلدىردى. 2021 جىل كرەاتيۆتى ەكونوميكانىڭ جىلى بولىپ جاريالانعانى بەلگىلى. بىزدە قولونەر كاسىپكەرلىگىن جاڭا دەڭگەيگە شىعارۋدىڭ ەرەكشە مۇمكىندىگى بار. بۇل ايەلدەر بيزنەسى ءۇشىن وتە ماڭىزدى. ءبىز «اتامەكەن» تاراپىنان بارلىق قولداۋدى كورسەتۋگە دايىنبىز»، – دەدى ولجاس وردابايەۆ.
«Born Nomad جوباسى كاسىپكەر ايەلدەرگە جان-جاقتى مۇمكىندىك بەرەدى، ال ولار ءوز كەزەگىندە قازاقستاننىڭ مادەني مۇراسىن الەمگە تانىتادى. ايەل مۇمكىندىكتەرىن كەڭەيتۋ – امەريكا قۇراما شتاتتارىنىڭ سىرتقى ساياسي باسىمدىقتىڭ ءبىرى»، – دەدى باس كونسۋل ك.سيەۆيدج.
فورۋم اياسىندا «Born Nomad» ۇلتتىق بايقاۋىنىڭ جەڭىمپازدارى التى نوميناسيا بويىنشا ماراپاتتالدى. اتاپ ايتساق، «ءداستۇر نوميناسياسى» بويىنشا ءمادينا احمەتوۆا (شىمكەنت)، «جاڭاشىلدىق نوميناسياسى» بويىنشا اسەل مەكتەپبايەۆا، «قولونەرشى ايەل» نوميناسياسى بويىنشا داميرا ابىكەنوۆا، «جاس تالانت» نوميناسياسى بويىنشا اسەل مەكتەپبايەۆا، «شىعارماشىلىق ىنتىماقتاستىق» نوميناسياسى بويىنشا بالنۇر احمەتقازييەۆا (تورتەۋى دە نۇر-سۇلتان) جانە «3D-دەگى قولونەر» نوميناسياسى بويىنشا ايجان تىلەنبەكوۆا (الماتى وبلىسى) جەڭىمپاز اتاندى. ال گران-پري يەگەرى داميرا ابىكەنوۆاعا (نۇر-سۇلتان) 1 ميلليون تەڭگە تاپسىرىلدى.
فورۋمدا قولونەرشىلەر مەن كرەاتيۆتى ەكونوميكانى قولداۋداعى ماسەلەلەر، مەملەكەت تاراپىنان كورسەتىلەتىن كومەك، قىز-كەلىنشەكتەردى قولداۋعا باعىتتالعان جوبالار تالقىلاندى.
فورۋم سەسسيالارىنىڭ ءبىرى قازاق قولونەرى جانە ونىڭ جاھاندىق كرەاتيۆتى يندۋستريادا الاتىن ورنىن تالقىلاۋعا ارنالدى.
فەستيۆالدە «Born Nomad» جوباسىنا قاتىسۋشى قولونەرشىلەر بۇيىمدارى ۇسىنىلعان جارمەڭكە ءوتتى.
ايتا كەتەيىك، «اتامەكەن» ۇلتتىق كاسىپكەرلەر پالاتاسى مەن اقش ديپلوماتيالىق ميسسياسى بىرلەسىپ جاريالاعان بۇل بايقاۋعا ەلىمىزدىڭ 2000-نان استام قولونەرشىسى قاتىستى. بايقاۋ ءداستۇرلى قولونەردى ناسيحاتتاپ، مادەني مۇرانى ساقتاۋ ارقىلى ايەلدەردىڭ ەكونوميكالىق دامۋى مەن كاسىپكەر ايەلدەردى قولداۋعا ارنالعان «قولونەرشى مۇمكىندىكتەرىن كەڭەيتۋ» اتتى اۋقىمدى جوبا اياسىندا ءوتتى. فورۋمنىڭ تۇركىستان قالاسىندا ءوتۋى دە كەزدەيسوق ەمەس. تۇركىستان – ەجەلدەن قولونەرى دامىعان ءارى ۇلى جىبەك جولى بويىندا ساۋدا سالاسى دامىعان شاhار.
