Búgin Báidibek aýdanynyń ortalyǵy Shaian eldi mekeninde «Teń qoǵam – Belsendi uzaq ómir súrý» ortalyǵy ashyldy, - dep habarlaidy Dalanews.kz
Saltanatty sharaǵa Báidibek aýdany ákiminiń mindetin ýaqytsha atqarýshy Baqyt Qyrǵyzaliev, Báidibek aýdandyq máslihatynyń tóraǵasy Imangeldi Túimebaev qatysyp, aýdan turǵyndaryn jańa nysannyń ashylýymen quttyqtady. Ortalyqtyń jumysyna sáttilik tiledi.
Atalǵan ortalyqtyń ashylýy – aýdannyń áleýmettik damýyndaǵy úlken qadam. Bul – memleket tarapynan halyqtyń ál-aýqatyn arttyrýǵa baǵyttalǵan naqty jáne tiimdi qoldaýdyń aiqyn kórinisi. Aýdan halqynyń densaýlyǵyn nyǵaitýǵa, salaýatty ómir saltyn nasihattaýǵa jáne árbir azamattyń qoǵamdyq ómirge belsene aralasýyna baǵyttalǵan mańyzdy bastama.
Ǵimarat zamanaýi talaptarǵa sai jabdyqtalǵan. Ortalyqta kásibi mamandar qyzmet kórsetedi. Ortalyq qyzmetine múgedektigi bar azamattar men zeinetkerler júgine alady. Munda árbir kelýshige yńǵaily jaǵdai jasalǵan.
