Túrkistan oblysynda bilim berý uiymdaryn Politsiia departamentiniń Jedel basqarý ortalyǵyna (JBO) qosý jumystary qarqyndy júrgizilýde,- dep habarlaidy Dalanews.kz
Bul – Memleket basshysynyń bilim berý uiymdaryn 100% qaýipsizdik júielerimen qamtý jónindegi tapsyrmasyn oryndaýǵa baǵyttalǵan mańyzdy qadam.
Osy maqsatta oblys ákiminiń orynbasary Beisenbai Tájibaev, oblystyq bilim basqarmasy basshysynyń m.a. Ǵalymjan Orynov, Politsiia departamenti bastyǵynyń orynbasarlary Baǵlanbek Aitpaev pen Murat Estemesov, sondai-aq oblystyq tsifrlandyrý basqarmasy men bailanys operatorlarynyń qatysýymen dóńgelek ústel ótti. Keńeste bilim berý uiymdaryndaǵy qaýipsizdik júieleriniń tiimdiligi men JBO-ǵa qosý barysy talqylandy.
Búginde oblysta 1400-den astam balabaqsha jumys isteidi. Onyń ishinde 175-i memlekettik bolsa, 646-y — jekemenshik. Bala sany 100-den kóp bóbekjailarda beinebaqylaý kameralaryn ornatý mindettelgen.
Qazirgi tańda 15 memlekettik balabaqsha Tsifrlandyrý basqarmasynyń biýdjeti esebinen Politsiia departamentiniń Jedel basqarý ortalyǵyna qosyldy. Al, jekemenshik mektepke deiingi uiymdar óz qarjylary esebinen iske asyrmaq.
Óńirde 1300-ge jýyq mektep bolsa, ortaq isterdiń nátijesinde memlekettik bilim uialarynyń 98%-y Jedel basqarý ortalyǵymen bailanystyrylǵan. Kolledjerde 85 paiyz oryndalyp otyr. Al, dabyl túimeleri 100% ornatylyp, týrniket júiesi men arnaiy kúzet qyzmeti tolyq qamtamasyz etildi.
Jiynǵa tóraǵalyq etken Beisenbai Tájibaev bala qaýipsizdigine asa mán berip, baqylaýǵa qosylmaǵan mekemelerdiń máselesin jaqyn arada sheshý kerektigin aitty.
— Bala qaýipsizdigi – bizdiń eń basty mindetimiz. Árbir bilim berý uiymy tolyqqandy qaýipsizdik júiesimen jabdyqtalýy tiis. Jedel basqarý ortalyǵyna qosylmaǵan mekemelerdiń máselesin sozbalańǵa salmai, eń qysqa merzimde sheshýimiz qajet. Bul – ata-analardyń senimi men balalardyń alańsyz bilim alýyna kepildik beretin basty shart. Sondyqtan barlyq jaýapty organdar úilesimdi jumys jasap, tehnikalyq jáne uiymdastyrýshylyq kedergilerdi der kezinde joiý kerek, — dedi oblys ákiminiń orynbasary.
Oblystyq bilim basqarmasy, Politsiia departamenti jáne oblystyq tsifrlandyrý basqarmasy úshjaqty jospar aiasynda bul máseleni kezeń-kezeńimen sheshýde.
