AEK alatyndar sany azaiyp, turǵyndardyń kúnkóris deńgeii 1,5 esege ulǵaiady dep josparlanýda. «Aýyl amanaty» baǵdarlamasy aiasynda ataýly áleýmettik kómek alýshylarǵa qoldaý kórsetip, olardy kásipke beiimdeý josparlanǵan.
Tólebi aýdanynda da «Aýyl amanaty» baǵdarlamasy aiasynda kásibin iske asyryp jatqan jeke sharýalar qatary kún sanap artýda.
Túrkistan oblysynyń ákimi Darhan Satybaldy Tólebi aýdanyndaǵy birneshe aýyldyq okrýginde bolyp, aýyldyń tynys- tirshiligin kórip qaitty. Sapar barysynda aýylda jańadan qolǵa alynyp jatqan «Aýyl amanaty» jobasynyń barysymen tanysty. Aýyl túrǵyndary kásibin dóńgeletýdi kózdep, nesie alǵan.
Al Kóksáiek eldi mekeninde «Aýyl amanaty» baǵdarlamasy aiasynda iske asyrylyp jatqan jeke sharýa mal bordaqylaý isin ulǵaitýdy qolǵa alǵan. 7,5 mln teńge nesie alyp, Jambyl oblysynan 22 bas iri qara satyp alǵan ol, aldaǵy ýaqytta qosymsha jylqy bordaqylaýdy josparlaýda.
Darhan Satybaldy aǵash aralas kómir brikettenin shyǵaratyn tsehta boldy. Jeke kásipker jańa baǵdarlamanyń kómegimen kásibin ulǵaitpaq. Aitýynsha, ekologiialyq turǵyda tiimdi taýardan túsetin tabys ta joǵary.
– Prezidentimiz Qasym-Jomart Toqaev aýyldardy damytýǵa erekshe nazar aýdarýdy tapsyrǵan bolatyn. Qazirgi ýaqytta «Aýyl amanaty» baǵdarlamasynyń aiasynda sharýalardy nesielendirý júrgizilýde. Jańa joba bizdiń óńirimiz úshin óte mańyzdy. «Aýyl amanatyn» iske asyrý aýyldardy saqtap qalýǵa jáne halyqtyń qalaǵa kóshi-qonyn qysqartýǵa, kásipkerlikti damytý arqyly jańa jumys oryndaryn qurýǵa, jumyssyzdyqty azaitýǵa, halyqty sapaly azyq-túlik taýarlarymen qamtamasyz etýge múmkindik beretin aýqymdy joba. Jobanyń tiimdi sharttarynyń biri – kreditteri bar jáne az qamtylǵan, kóp balaly otbasylarǵa taýarlyq kredit berý tetigi bolyp otyr. Ereksheligi – biýdjet qarajaty jumsalmaidy. Kepil qajet emes, paiyzdar joq. Respýblika boiynsha alǵash ret uiymdastyrylyp otyrǵan biregei joba belsendi atsalysyp, tabys tabýǵa shaqyramyn, – dedi Darhan Satybaldy.
Sonymen qatar oblys basshysy nesie alýǵa niet bildirgen turǵyndarmen kezdesip, ótinishterin tyńdap, jobanyń mańyzdylyǵyn túsindirdi. Memleket basshysynyń tapyrmasymen júzege asyp jatqan jańa jobanyń maqsaty – aýyl halqynyń tabysyn arttyrý, turǵyndardyń ál-aýqatyn jaqsartýǵa baǵyttalǵan.
Tólebi aýdanynda baǵdarlama aiasynda Kielitas, Kóksáiek aýyldyq okrýgteriniń azamattaryna nesie berý josparlanǵan bolatyn. Sonymen qatar, aýdan turǵyndarynyń suranysy boiynsha, Birinshi Mamyr jáne Qaratóbe aýyldyq okrýgteriniń azamattary da atalǵan baǵdarlamaǵa engizilip otyr. Búgingi kúnge 209 mln. teńgege 37 azamattyń jobalary qarjylandyryldy.
Pilottyq jobany Túrkistan oblysynda júzege asyrýǵa 16 aýdannan 64 aýyldyq okrýg anyqtalyp, 75 kooperativ qurylǵan. Jobany qarjylandyrýǵa respýblikalyq biýdjetten 19,8 mlrd. teńge qarjy bólingen.
«Túrkistan» áleýmettik kásipkerlik korparatsiiasy» AQ - na «Aýyl amanaty» jobasy boiynsha oblys kóleminde 13,9 mlrd teńge quraityn 2 248 jobaǵa ótinish qabylǵandan. Onyń ishinde, jalpy sommasy 9 mlrd teńgeni quraityn 1 611 joba maquldanyp, 4,6 mlrd teńge quraityn 852 joba qarjylandyryldy.
