Túrkistan oblysy ákimi Darhan Satybaldy Túrkistandaǵy halyqaralyq áýejaidy damytýdyń jańa jobalaryn daiyndaýdy tapsyrdy. Oblys ortalyǵyna qatynaityn baǵyttardy kóbeitip, týrizmmen úilestirýdi mindettedi, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Áýejaidyń logistikalyq áleýetin de arttyryp, júk tasymalyn ulǵaitý mańyzdylyǵyna toqtaldy. Áýe júk tasymalyn ilgeriletý – eksportty ulǵaitýǵa sep. Ákim tóraǵalyǵymen ótken jinalysta Túrkistandaǵy halyqaralyq áýejaidy damytý, áleýetin kóterý joldary talqylandy. Onda áýejaidy damytý, tabysy men jolaýshylar aǵynyn arttyrýǵa baǵyttalǵan jumystar saralandy. Oblys ákimi zamanýai áýejaidyń múmkindigi men áleýeti áli de tolyq qoldanylmai otyrǵanyn aityp, jaýapty turǵalarǵa tapsyrma berdi.
Damýdyń negizgi baǵyttarynyń biri – áýejai aýmaǵynda mýlti-modaldy logistikalyq hab qurý.
– Óńirdiń áleýmettik - ekonomikalyq damýyna oń áser etetin júieli jumys kerek. Áýejai da jahandaný úrdisinen qalmaýy tiis. Qazir taýardy jedel jetkizý álemdik tendentsiiaǵa ainaldy. Tranzittik dálizdi damytý ózekti. Sondyqtan ózge elderdiń tájiribesimen tanysyńyzdar. Salany ilgeriletý arqyly biznesti órkendetýge bolady. Sheteldiń iri áýe kompaniialarymen bailanysty nyǵaitý kerek. Osyǵan deiingi berilgen tapsyrmalardyń oryndalýy áli de álsiz. Áýejai jumysyn týrizm salasymen bailanystyra damytqan jón. Úndistan, Koreia, Malaiziia, Túrkiia, Resei, Qytaiǵa áýe reisterin kóbeitip, saiahatshylardy tartý baǵyty da aqsap tur. Áýejaidyń logistikalyq áleýetin de arttyryp, júk tasymalyn ulǵaitý qajet, – dedi Darhan Satybaldy.
Túrkistan qalasyndaǵy halyqaralyq áýejai táýelsizdik jyldarynda jańadan salynǵan elimizdegi alǵashqy áýe ailaǵy. Strategiialyq mańyzy bar nysan zamanaýi úlgidegi innovatsiialyq jáne tehnologiialyq talaptarǵa sai. Jylyna 3 mln. jolaýshyǵa qyzmet kórsete alady.
