Arys qalasynyń aýyl sharýashylyǵy salasy jańa deńgeige kóterilýde. Qalaǵa qarasty Qojatoǵai aýyldyq okrýginde 50 myń basqa arnalǵan iri qara mal bordaqylaý alańy salynyp, iske qosylmaq. Atalǵan joba investorlar esebinen júrgizilýde jáne Túrkistan oblysyndaǵy eń iri keshenderdiń birine ainalýy kózdelip otyr jáne avstraliialyq ádis boiynsha júrgizilýde, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Naqtyraq aitsaq, Arys qalasyndaǵy «Turkestan Agro.kz» JShS bazasynda eki iri keshen – jańbyrlatyp sýarý ádisimen mal azyǵy daqyldardyn ósirý men et baǵytyndaǵy múiizdi iri qara ósirýmen ainalysatyn sharýashylyq-reprodýktor qurylysy iske qosylady.
Qurylys, bordaqylaý jáne jaiý shemasy avstraliialyq «torly» mal sharýashylyǵy ádisimen jasalady. Túrkistan oblysyndaǵy eń iri keshenniń birine ainalatyn bordaqylaý alańy Arys qalasyna qarasty Qojatoǵai aýyldyq okrýgi aýmaǵynda ornalasqan.
Keshen jumystarymen tanysý úshin qala ákimi Gúljan Qurmanbekova atalǵan aýylǵa arnaiy bardy. Ákim mal bordaqylaý alańynyń Arystyń ekonomikalyq damýyna qosatyn úlesin atap ótip, bul joba oblystyń aýyl sharýashylyǵyn damytýǵa zor septigin tigizetinine senim bildirdi.
Sondai-aq seriktestik bordaqylaý alańy mańynan 4 710 gektar alqapta sýarýdyń jańbyrlatý tehnologiialaryn qoldana otyryp, malǵa arnalǵan jem-shóp daqyldaryn ósirýdi jónge qoiýda. Ol úshin, álemge áigili aýylsharýashylyq tehnikasyn shyǵarýshy «John Deere» kompaniiasynyń ónimderin satyp alýda. Bul óz kezeginde mal bordaqylaý alańyn qajetti azyq kólemimen tolyq qamtamasyz etýge múmkindik beredi. Bordaqylaý alańynda barlyq jumys aýtomatty júiede júzege asyrylatyn bolady.
Jobanyń jalpy quny 16,2 mlrd. teńgeni quraidy, jáne de 100-ge jýyq jańa jumys oryndary ashylmaq.
Arys qalasynda júzege asyp jatqan aýqymdy joba mal sharýashylyǵynyń damýynda jańa belesterge jol ashyp, óńirdegi aýyl sharýashylyǵynyń qarqyndy damýyna negiz bolmaq.
