Qazaqstan aýyl sharýashylyǵyndaǵy otandyq tehnika úlesin 90 paiyzǵa jetkizdi. Endigi suranys qurylymy anaǵurlym kúrdeli ári joǵary tehnologiialyq mashinalarǵa aýysyp jatyr. Bul týraly qarjy sarapshysy Aibar Oljai málimdedi, dep habarlaidy Dalanews.kz.
Onyń aitýynsha, búginde elde jyl saiyn 8 myńnan astam traktor men 1,2 myń kombain shyǵaratyn 8 iri kásiporyn jumys istep tur.
“Elimizdiń egis alqaptarynda 130 myńnan astam traktor, shamamen 30 myń kombain jáne 200 myńnan astam tirkemeli jáne aspaly tehnika júr. Ótken jyldyń qorytyndysy boiynsha tehnika parkin jańartý deńgeii 6,5%-dy qurady. Osy kórsetkishti 10% deńgeiine jetkizýimiz kerek”, - deidi ol.
Sarapshynyń sózinshe, byltyr bul kórsetkish 6,5 paiyzdy quraǵan, al ony keminde 10 paiyzǵa jetkizý qajet.
“Qazir tehnika satyp alýǵa jumsalatyn shyǵyndardyń 30%-na deiin sýbsidiialanyp, otandyq tehnika úshin 5% mólsherlememen jeńildetilgen qarjylandyrý usynylady. Qabyldanyp jatqan sharalardyń arqasynda sońǵy eki jylda otandyq tehnika satý kólemi 35%-ǵa artyp, 7,7 myńnan 10,4 myń birlikke deiin ósti”, - dep qosty ol.
Aibar Oljai keiingi eki jylda qabyldanǵan sharalardyń nátijesinde otandyq tehnika satylymy 35 paiyzǵa artqanyn atap ótti. Iaǵni, kórsetkish 7,7 myńnan 10,4 myń birlikke deiin ósken.
“Búgin Premer-Ministr aýyl sharýashylyǵy tehnikasyn óndiretin kompaniialarmen kezdesip, memlekettiń strategiiasyn sóz etti. Tehnikany ózimizde óndirý ónerkásiptik joba ǵana emes, sonymen qatar búkil agroónerkásip kesheniniń turaqtylyǵynyń mańyzdy elementi bolyp tabylady. El ishinde óndiriletin tehnika kólemi artqan saiyn, agrarshylar syrtqy logistikaǵa, valiýta baǵamynyń aýytqýyna, jetkizý merzimderine jáne qosalqy bólshekterdiń qoljetimdiligine táýeldilikten azaiady”, - dep túsindirdi ol.
Onyń pikirinshe, otandyq óndiris kólemi artqan saiyn fermerler syrtqy logistikaǵa, valiýta baǵamynyń ózgerýine jáne jetkizý merzimderine táýeldilikten birtindep arylady. Sonymen qatar bul qadam naryqty jabý emes, kerisinshe sheteldik tehnologiialarmen kooperatsiiany jańa deńgeige kóterý ekenin aitty.
“Bul óz ónerkásiptik bazamyzdy qalyptastyrady. Mundai tásil eki jaqty nátije beretini anyq. Fermerler neǵurlym qoljetimdi ári zamanaýi tehnikaǵa ie bolady, al ekonomika jańa jumys oryndaryn, quzyretterdi, salyqtardy jáne el ishinde qalyptasatyn qosylǵan qundy alady”, - dedi ol.
Sarapshynyń baǵalaýynsha, Qazaqstan jetekshi halyqaralyq brendterdi tarta otyryp, óndiristi birtindep jergiliktendirýge, servisti damytýǵa jáne kadr daiarlaýǵa basymdyq berip keledi. Bul óz kezeginde eldiń ónerkásiptik bazasyn nyǵaitýǵa múmkindik beredi.
“Mundai tásil eki jaqty nátije beretini anyq. Fermerler neǵurlym qoljetimdi ári zamanaýi tehnikaǵa ie bolady, al ekonomika jańa jumys oryndaryn, quzyretterdi, salyqtardy jáne el ishinde qalyptasatyn qosylǵan qundy alady”, - deidi ol.
Sarapshy aldaǵy kezeńde bul baǵyttaǵy jumys kúsheietinin aitty.
“Osy baǵytta endi taǵy da damimyz. Sebebi Úkimettegi kezdesýde Qazaqstanda óndiristi lokalizatsiialaý boiynsha jańa kelisimderge qol qoiyldy. Bizge tehnika azdyq etpeidi, eskilerin tez aýystyrý kerek. Qazaqstan aýyl sharýashylyǵy alqaptarynyń kólemi boiynsha álemde altynshy orynda. Egis alqaptary shamamen 24 mln gektardy quraidy. Ótken jyly aýyl sharýashylyǵynyń jalpy óniminiń kólemi 9 trln teńgeden asyp, 6%-dan astamǵa ósti. Astyq jinaý 26 mln tonnaǵa, maily daqyldar 5 mln tonnaǵa jetti. Bul qarqyndy saqtap, odan ári arttyrý úshin bizge jańa, tiimdi tehnika kerek”, - dep túiindedi ol.
