قازاقستان اۋىل شارۋاشىلىعىنداعى وتاندىق تەحنيكا ٷلەسٸن 90 پايىزعا جەتكٸزدٸ. ەندٸگٸ سۇرانىس قۇرىلىمى اناعۇرلىم كٷردەلٸ ەرٸ جوعارى تەحنولوگييالىق ماشينالارعا اۋىسىپ جاتىر. بۇل تۋرالى قارجى ساراپشىسى ايبار ولجاي مەلٸمدەدٸ, دەپ حابارلايدى Dalanews.kz.
ونىڭ ايتۋىنشا, بٷگٸندە ەلدە جىل سايىن 8 مىڭنان استام تراكتور مەن 1,2 مىڭ كومباين شىعاراتىن 8 ٸرٸ كەسٸپورىن جۇمىس ٸستەپ تۇر.
“ەلٸمٸزدٸڭ ەگٸس القاپتارىندا 130 مىڭنان استام تراكتور, شامامەن 30 مىڭ كومباين جەنە 200 مىڭنان استام تٸركەمەلٸ جەنە اسپالى تەحنيكا جٷر. ٶتكەن جىلدىڭ قورىتىندىسى بويىنشا تەحنيكا پاركٸن جاڭارتۋ دەڭگەيٸ 6,5%-دى قۇرادى. وسى كٶرسەتكٸشتٸ 10% دەڭگەيٸنە جەتكٸزۋٸمٸز كەرەك”, - دەيدٸ ول.
ساراپشىنىڭ سٶزٸنشە, بىلتىر بۇل كٶرسەتكٸش 6,5 پايىزدى قۇراعان, ال ونى كەمٸندە 10 پايىزعا جەتكٸزۋ قاجەت.
“قازٸر تەحنيكا ساتىپ الۋعا جۇمسالاتىن شىعىنداردىڭ 30%-نا دەيٸن سۋبسيدييالانىپ, وتاندىق تەحنيكا ٷشٸن 5% مٶلشەرلەمەمەن جەڭٸلدەتٸلگەن قارجىلاندىرۋ ۇسىنىلادى. قابىلدانىپ جاتقان شارالاردىڭ ارقاسىندا سوڭعى ەكٸ جىلدا وتاندىق تەحنيكا ساتۋ كٶلەمٸ 35%-عا ارتىپ, 7,7 مىڭنان 10,4 مىڭ بٸرلٸككە دەيٸن ٶستٸ”, - دەپ قوستى ول.
ايبار ولجاي كەيٸنگٸ ەكٸ جىلدا قابىلدانعان شارالاردىڭ نەتيجەسٸندە وتاندىق تەحنيكا ساتىلىمى 35 پايىزعا ارتقانىن اتاپ ٶتتٸ. ياعني, كٶرسەتكٸش 7,7 مىڭنان 10,4 مىڭ بٸرلٸككە دەيٸن ٶسكەن.
“بٷگٸن پرەمەر-مينيستر اۋىل شارۋاشىلىعى تەحنيكاسىن ٶندٸرەتٸن كومپانييالارمەن كەزدەسٸپ, مەملەكەتتٸڭ ستراتەگيياسىن سٶز ەتتٸ. تەحنيكانى ٶزٸمٸزدە ٶندٸرۋ ٶنەركەسٸپتٸك جوبا عانا ەمەس, سونىمەن قاتار بٷكٸل اگروٶنەركەسٸپ كەشەنٸنٸڭ تۇراقتىلىعىنىڭ ماڭىزدى ەلەمەنتٸ بولىپ تابىلادى. ەل ٸشٸندە ٶندٸرٸلەتٸن تەحنيكا كٶلەمٸ ارتقان سايىن, اگرارشىلار سىرتقى لوگيستيكاعا, ۆاليۋتا باعامىنىڭ اۋىتقۋىنا, جەتكٸزۋ مەرزٸمدەرٸنە جەنە قوسالقى بٶلشەكتەردٸڭ قولجەتٸمدٸلٸگٸنە تەۋەلدٸلٸكتەن ازايادى”, - دەپ تٷسٸندٸردٸ ول.
ونىڭ پٸكٸرٸنشە, وتاندىق ٶندٸرٸس كٶلەمٸ ارتقان سايىن فەرمەرلەر سىرتقى لوگيستيكاعا, ۆاليۋتا باعامىنىڭ ٶزگەرۋٸنە جەنە جەتكٸزۋ مەرزٸمدەرٸنە تەۋەلدٸلٸكتەن بٸرتٸندەپ ارىلادى. سونىمەن قاتار بۇل قادام نارىقتى جابۋ ەمەس, كەرٸسٸنشە شەتەلدٸك تەحنولوگييالارمەن كووپەراتسييانى جاڭا دەڭگەيگە كٶتەرۋ ەكەنٸن ايتتى.
“بۇل ٶز ٶنەركەسٸپتٸك بازامىزدى قالىپتاستىرادى. مۇنداي تەسٸل ەكٸ جاقتى نەتيجە بەرەتٸنٸ انىق. فەرمەرلەر نەعۇرلىم قولجەتٸمدٸ ەرٸ زاماناۋي تەحنيكاعا يە بولادى, ال ەكونوميكا جاڭا جۇمىس ورىندارىن, قۇزىرەتتەردٸ, سالىقتاردى جەنە ەل ٸشٸندە قالىپتاساتىن قوسىلعان قۇندى الادى”, - دەدٸ ول.
ساراپشىنىڭ باعالاۋىنشا, قازاقستان جەتەكشٸ حالىقارالىق برەندتەردٸ تارتا وتىرىپ, ٶندٸرٸستٸ بٸرتٸندەپ جەرگٸلٸكتەندٸرۋگە, سەرۆيستٸ دامىتۋعا جەنە كادر دايارلاۋعا باسىمدىق بەرٸپ كەلەدٸ. بۇل ٶز كەزەگٸندە ەلدٸڭ ٶنەركەسٸپتٸك بازاسىن نىعايتۋعا مٷمكٸندٸك بەرەدٸ.
“مۇنداي تەسٸل ەكٸ جاقتى نەتيجە بەرەتٸنٸ انىق. فەرمەرلەر نەعۇرلىم قولجەتٸمدٸ ەرٸ زاماناۋي تەحنيكاعا يە بولادى, ال ەكونوميكا جاڭا جۇمىس ورىندارىن, قۇزىرەتتەردٸ, سالىقتاردى جەنە ەل ٸشٸندە قالىپتاساتىن قوسىلعان قۇندى الادى”, - دەيدٸ ول.
ساراپشى الداعى كەزەڭدە بۇل باعىتتاعى جۇمىس كٷشەيەتٸنٸن ايتتى.
“وسى باعىتتا ەندٸ تاعى دا داميمىز. سەبەبٸ ٷكٸمەتتەگٸ كەزدەسۋدە قازاقستاندا ٶندٸرٸستٸ لوكاليزاتسييالاۋ بويىنشا جاڭا كەلٸسٸمدەرگە قول قويىلدى. بٸزگە تەحنيكا ازدىق ەتپەيدٸ, ەسكٸلەرٸن تەز اۋىستىرۋ كەرەك. قازاقستان اۋىل شارۋاشىلىعى القاپتارىنىڭ كٶلەمٸ بويىنشا ەلەمدە التىنشى ورىندا. ەگٸس القاپتارى شامامەن 24 ملن گەكتاردى قۇرايدى. ٶتكەن جىلى اۋىل شارۋاشىلىعىنىڭ جالپى ٶنٸمٸنٸڭ كٶلەمٸ 9 ترلن تەڭگەدەن اسىپ, 6%-دان استامعا ٶستٸ. استىق جيناۋ 26 ملن تونناعا, مايلى داقىلدار 5 ملن تونناعا جەتتٸ. بۇل قارقىندى ساقتاپ, ودان ەرٸ ارتتىرۋ ٷشٸن بٸزگە جاڭا, تيٸمدٸ تەحنيكا كەرەك”, - دەپ تٷيٸندەدٸ ول.
