«TURKISTAN ARCHITECT AWARDS» halyqaralyq konkýrsy bastaldy
Konkýrs Qazaqstan Respýblikasy Premer-Ministiriniń birinshi orynbasary A.Maminnyń tapsyrmasy boiynsha Qazaqstannyń rýhani-mádeni ortalyǵynyń damýyna impýls beretin biregei sáýlettik sheshimder ázirleitin halyqaralyq jáne otandyq sáýletshilerdi qatystyrý maqsatymen uiymdastyryldy.
Konkýrs qatysýshylarynyń aldynda bir ai kóleminde 15 joba boiynsha tolyqqandy sáýlettik eskizder ázirleý mindeti tur. Qatysýshylar osy jobalar aiasynda sáýlettik ideialaryn negizdeýmen birge nysandardyń taǵaiyndalý maqsatyn anyqtaýy tiis. Demek, ejelgi Túrkistannyń mádenietin boiyna sińirgen biregei sáýlettik ideiasy bar, sondai-aq áleýmettik jáne mádeni nysandarǵa kelýshiler úshin qolaily jaǵdailar jasaýǵa baǵyttalǵan eń zamanaýi tiimdi sheshimderi men tehnologiialary bar jumystar úzdik dep tanylady. Jańa nysandardy týristik tartymdylyqpen qamtamsyz etý óte mańyzdy bolyp sanalady jáne osy nysandar arqyly Túrkistan búkil ortalyq Aziia boiynsha týrister eń kóp keletin qalalardyń biri bolýy tiis.
«TURKISTAN ARCHITECT AWARDS» halyqaralyq sáýlet konkýrsy 2018 jyldyń 26 qazanynan bastap 2018 jyldyń 26 qarashasyna deiin bir kezeńde ótedi. Qatysýshylar konkýrstyq nysannyń ár sanatyna arnalǵan tehnikalyq tapsyrmanyń barlyq talaptaryna sáikes kontsept-joba daiyndaýy tiis. Konkýrs qatysýshylaryna jobalanýshy nysandar boiynsha airyqsha sharttar jáne talaptarmen shekteý kórsetilmeidi, demek árbir qatysýshynyń óz shyǵarmashylyq ideialaryn júzege asyrýǵa jáne negizdeýge tolyq erkindik beriledi.
Aita ketý kerek, árbir jeńimpaz óz nominatsiiasynda aqshalai syilyq iegeri bolady jáne jeńiske jetken jobasyn jobalaýǵa ekskliýzivti kelisimshart jasasý múmkindigine ie bolady.
Konkýrs tájiribeli sáýletshilerge de, jas sáýletshilerge de qatysý úshin teń múmkindikter usynady, sondai-aq sáýletshiler biýrolarynyń qatysýy quptalady. Konkýrsqa qatysýdyń tehnikalyq tapsyrmasy men sharttary https://turkistan-awards.com/ saitynda jariialanǵan.
