Tólebi aýdanynda taǵy bir demalys aimaǵy iske qosyldy. Jeke kásipker Saken Sársenov jeke qarajaty esebinen «Altyn balyq» demalys ornynyń qurylysyn aiaqtap, paidalanýǵa usyndy, dep habarlaidy Dalanews kz Túrkistan oblysy ákiminiń baspasóz qyzmetine silteme jasap.
Kóksáiek aýyldyq okrýgi aýmaǵynda ornalasqan quny 350 mln teńgeni quraityn demalys ornynda 4 kottedj 10 sáki bar. Aýmaǵy 1,6 gektar. Kásipker buǵan qosa, balyq sharýashylyǵyn damytyp, 0.5 gektar aýmaqta 10 tonnadan astam sazan balyǵyn ósirýde. Demalys ornynyń ashylý saltanatyna aýdan ardagerleri, batagói qariialar, aýyl halqy qatysyp, lentasyn qidy.
Eko týrizm salasyn damytý baǵytynda birqatar jumystar atqarylýda. Aita keteiik, Tólebi aýdanynda týrizm salasynda 140 nysan qyzmet kórsetedi. Byltyrǵy jyly 2,9 mlrd teńge investitsiia tartylyp, 8 joba júzege asyp, 42 jumys orny ashylǵan. 2024 jyly investitsiia kólemin 1,8 mlrd teńgege jetkizý josparlanýda. Quny 220 mln teńgeni quraityn 2 joba iske qosylyp, 10 turaqty jumys orny ashylady dep kútilýde. Olar: Birkólik demalys aimaǵynan jeke kásipker «Rysbaev» quny 120 mln teńgelik demalys orny; Birkólik shatqalynan JK «S.Saqibaev» óz qarajaty esebinen quny 100 mln teńge bolatyn qonaq úi qurylysy.
