تٶلەبي اۋدانىندا تاعى بٸر دەمالىس ايماعى ٸسكە قوسىلدى. جەكە كەسٸپكەر ساكەن سەرسەنوۆ جەكە قاراجاتى ەسەبٸنەن «التىن بالىق» دەمالىس ورنىنىڭ قۇرىلىسىن اياقتاپ, پايدالانۋعا ۇسىندى, دەپ حابارلايدى Dalanews kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
كٶكسەيەك اۋىلدىق وكرۋگٸ اۋماعىندا ورنالاسقان قۇنى 350 ملن تەڭگەنٸ قۇرايتىن دەمالىس ورنىندا 4 كوتتەدج 10 سەكٸ بار. اۋماعى 1,6 گەكتار. كەسٸپكەر بۇعان قوسا, بالىق شارۋاشىلىعىن دامىتىپ, 0.5 گەكتار اۋماقتا 10 توننادان استام سازان بالىعىن ٶسٸرۋدە. دەمالىس ورنىنىڭ اشىلۋ سالتاناتىنا اۋدان ارداگەرلەرٸ, باتاگٶي قارييالار, اۋىل حالقى قاتىسىپ, لەنتاسىن قيدى.
ەكو تۋريزم سالاسىن دامىتۋ باعىتىندا بٸرقاتار جۇمىستار اتقارىلۋدا. ايتا كەتەيٸك, تٶلەبي اۋدانىندا تۋريزم سالاسىندا 140 نىسان قىزمەت كٶرسەتەدٸ. بىلتىرعى جىلى 2,9 ملرد تەڭگە ينۆەستيتسييا تارتىلىپ, 8 جوبا جٷزەگە اسىپ, 42 جۇمىس ورنى اشىلعان. 2024 جىلى ينۆەستيتسييا كٶلەمٸن 1,8 ملرد تەڭگەگە جەتكٸزۋ جوسپارلانۋدا. قۇنى 220 ملن تەڭگەنٸ قۇرايتىن 2 جوبا ٸسكە قوسىلىپ, 10 تۇراقتى جۇمىس ورنى اشىلادى دەپ كٷتٸلۋدە. ولار: بٸركٶلٸك دەمالىس ايماعىنان جەكە كەسٸپكەر «رىسباەۆ» قۇنى 120 ملن تەڭگەلٸك دەمالىس ورنى; بٸركٶلٸك شاتقالىنان جك «س.ساقيباەۆ» ٶز قاراجاتى ەسەبٸنەن قۇنى 100 ملن تەڭگە بولاتىن قوناق ٷي قۇرىلىسى.
