Túrikmenstanda 8 naýryz - Halyqaralyq áıelder kúnine oraı eldegi áıelderge 60 manat kóleminde birjolǵy tólem beriledi. Bul qarajat qara naryqtaǵy baǵammen shamamen 8,5 myń teńge, dep habarlaıdy Dalanews.kz.

Bılik muny «eldiń órkendeýi jolyndaǵy ózgeristerdi júzege asyrýdaǵy áıelderdiń zor eńbegi, Otanǵa adal, deni saý ári jigerli urpaq tárbıeleýdegi róli, analar men ápke-qaryndastardy qadirleý dástúrin jalǵastyrý maqsatynda» dep túsindirdi.

Alaıda 2019 jyldan beri elde azyq-túlik pen tutyný taýarlarynyń baǵasy birneshe ese ósken. Máselen, 2019 jyldyń naýryzynda sıyr etiniń bir kelisi 22 manat tursa, 2026 jyldyń qańtaryna qaraı 110 manatqa deıin qymbattaǵan. Jergilikti alma baǵasy da osy kezeńde 6 manattan 26 manatqa kóterilgen.

Aıta keteıik, 2019 jylǵa deıin prezıdenttik syıaqy 40 manat bolǵan. Ol kezde bul soma resmı baǵammen shamamen 11,4 dollardy quraǵan.