Kezdesýde agroónerkásiptik keshen, qaldyqtardy óńdeý, joǵary tehnologıalar, sondaı-aq óńirdegi týrızmdi damytý salasyndaǵy ekijaqty yntymaqtastyq máseleleri talqylandy.
Sonymen qatar taraptar Nıgde Ómer Halısdemır ýnıversıtetiniń aýyl sharýashylyǵy fakúlteti men qazaqstandyq ýnıversıtetter arasyndaǵy akademıalyq deńgeıdegi áleýetti yntymaqtastyqtyń ózara tıimdiligi týraly kelissóz júrgizdi.
– Túrkistan oblysynda ındýstrıalyq jáne arnaıy ekonomıkalyq aımaqtar jumys isteıdi. Odan bólek, QR Tuńǵysh Prezıdenti N.Á. Nazarbaevtyń tapsyrmasy boıynsha túrkitildes elder arasynda jańa ınvestısıalyq jobalardy ashý úshin TurkSEZ (túrki erkin-ekonomıkalyq aımaǵy) qurý josparlanýda. Týrısik paketterdiń ashylýy eki tarap arasyndaǵy týrızmdi damytýǵa jańa serpin beredi, – dedi Rashıd Aıýpov.
Kezdesý sońynda oblys ákiminiń orynbasary qonaqtardy Túrkistan oblysynyń ınvestısıalyq múmkindikterimen tanystyryp, Túrkıa kásipkerlerin birlesken jumysqa shaqyrdy.
