Oǵan qos eldiń 200-den astam resmi tulǵalary men iri kásipkerleri qatysty. Túrkistan oblysynyń delegatsiiasyn bastap barǵan atalmysh óńir basshysynyń orynbasary Erbol Tasjúrekov Túrkiianyń iri holdingteri men kompaniialary basshylarymen kelissóz júrgizdi.
Túrik investorlaryna Túrkistannyń investitsiialyq tartymdylyǵy men ary qarai damytýǵa jáne keńeitýge bolatyn salalary tanystyryldy. Atap aitsaq, jeńil ónerkásip, agroónerkásiptik keshen jáne týrizm salasyndaǵy múmkindikter saralandy.
Kelissózder nátijesinde 30 jyldan beri biznes salasynda kóshbasshylardyń biri atanyp júrgen Túrkiianyń «DAL Holding Investment Company» holdingi Túrkistan oblysynyń 200 ga jer aýmaǵynda investitsiialyq quny 500 mln. AQSh dollaryn quraityn jylyjai salýǵa niet bildirdi. Jobany júzege asyrý barysynda jylyjai aýmaǵynda tońazytqysh ári kókónis qoimasy salynady. 1000-nan astam jumys orny ashylady.
Sonymen qatar, balamaly jáne jańartylatyn energiia kózderin damytý baǵyty boiynsha «Çalik Enerji» jáne «Zorlu Holding – Zorlu Enerji» atty iri kompaniialar 50 MVt qýaty bar kún elektr stantsiialaryn salýǵa daiyn ekenderin bildirdi. Jobanyń jalpy quny 120 mln. AQSh olllaryn quramaq.
Kezdesýler men kelissózder qorytyndysy boiynsha Túrkistan oblysy ákimdigi men iri túrik kompaniialarynyń arasynda jalpy investitsiia kólemi 625 mln. AQSh dollaryn quraityn 4 memorandým túzildi. Qos tarap bul memorandýmdar Qazaqstan jáne Túrkiiada biznestiń básekege qabilettiligin arttyratyn mehanizmge ainalyp, tyǵyz kommertsiialyq bailanystardy damytyp, ekijaqty investitsiialar kóleminiń ulǵaiýyna jáne tehnologiialar transfertine negiz bolatyndyǵyna senim bildirdi.
Túrkistan oblysy ákiminiń baspasóz qyzmeti
