وعان قوس ەلدىڭ 200-دەن استام رەسمي تۇلعالارى مەن ءىرى كاسىپكەرلەرى قاتىستى. تۇركىستان وبلىسىنىڭ دەلەگاسياسىن باستاپ بارعان اتالمىش ءوڭىر باسشىسىنىڭ ورىنباسارى ەربول تاسجۇرەكوۆ تۇركيانىڭ ءىرى حولدينگتەرى مەن كومپانيالارى باسشىلارىمەن كەلىسسوز جۇرگىزدى.
تۇرىك ينۆەستورلارىنا تۇركىستاننىڭ ينۆەستيسيالىق تارتىمدىلىعى مەن ارى قاراي دامىتۋعا جانە كەڭەيتۋگە بولاتىن سالالارى تانىستىرىلدى. اتاپ ايتساق، جەڭىل ونەركاسىپ، اگروونەركاسىپتىك كەشەن جانە تۋريزم سالاسىنداعى مۇمكىندىكتەر سارالاندى.
كەلىسسوزدەر ناتيجەسىندە 30 جىلدان بەرى بيزنەس سالاسىندا كوشباسشىلاردىڭ ءبىرى اتانىپ جۇرگەن تۇركيانىڭ «DAL Holding Investment Company» حولدينگى تۇركىستان وبلىسىنىڭ 200 گا جەر اۋماعىندا ينۆەستيسيالىق قۇنى 500 ملن. اقش دوللارىن قۇرايتىن جىلىجاي سالۋعا نيەت ءبىلدىردى. جوبانى جۇزەگە اسىرۋ بارىسىندا جىلىجاي اۋماعىندا توڭازىتقىش ءارى كوكونىس قويماسى سالىنادى. 1000-نان استام جۇمىس ورنى اشىلادى.
تۇرىكتىڭ تاعى ءبىر «Dilmen Dekorasyon inş. Taah. Tic. Ltd Şti» اتتى كومپانياسى 2019 جىلى تۇركىستان وبلىسىندا جيھاز شىعاراتىن فابريكانىڭ قۇرىلىسىن باستاۋدى جوسپارلاپ وتىر. تارتىلاتىن ينۆەستيسيا كولەمى 5 ملن. اقش دوللارىن قۇرايدى. جوبا جۇزەگە اسسا، 130-دان استام جۇمىس ورنى پايدا بولادى.
سونىمەن قاتار، بالامالى جانە جاڭارتىلاتىن ەنەرگيا كوزدەرىن دامىتۋ باعىتى بويىنشا «Çalık Enerji» جانە «Zorlu Holding – Zorlu Enerji» اتتى ءىرى كومپانيالار 50 مۆت قۋاتى بار كۇن ەلەكتر ستانسيالارىن سالۋعا دايىن ەكەندەرىن ءبىلدىردى. جوبانىڭ جالپى قۇنى 120 ملن. اقش ولللارىن قۇراماق.
كەزدەسۋلەر مەن كەلىسسوزدەر قورىتىندىسى بويىنشا تۇركىستان وبلىسى اكىمدىگى مەن ءىرى تۇرىك كومپانيالارىنىڭ اراسىندا جالپى ينۆەستيسيا كولەمى 625 ملن. اقش دوللارىن قۇرايتىن 4 مەموراندۋم ءتۇزىلدى. قوس تاراپ بۇل مەموراندۋمدار قازاقستان جانە تۇركيادا بيزنەستىڭ باسەكەگە قابىلەتتىلىگىن ارتتىراتىن مەحانيزمگە اينالىپ، تىعىز كوممەرسيالىق بايلانىستاردى دامىتىپ، ەكىجاقتى ينۆەستيسيالار كولەمىنىڭ ۇلعايۋىنا جانە تەحنولوگيالار ترانسفەرتىنە نەگىز بولاتىندىعىنا سەنىم ءبىلدىردى.
تۇركىستان وبلىسى اكىمىنىڭ باسپا ءسوز قىزمەتى
