Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Túrik kásipkerleri Qarasai aýdanynda eki zaýyt ashyldy

Dalanews
Túrik kásipkerleri Qarasai aýdanynda eki zaýyt ashyldy
Almaty oblysynda salynǵan investitsiiasynyń jalpy kólemi 2,5 mlrd. teńge bolatyn eki jańa kásiporyn ashyldy. Atap aitqanda, alǵashqy zaýyt – turmystyq elektr jáne gaz plitalaryn óndiretin «ATTZ» JShS kásiporny. Ol jylyna 200 myń plita shyǵara alady, 200 jańa jumys ornyn quryp otyr. Al ekinshisi – «Iakar» JShS konditerlik fabrikasy. Munda jylyna 6 myń tonna ónim shyǵarý josparlanǵan, sonyń 2,4 tonnasy – shokolad, 3,6 tonnasy karamelder men muz kámpitter. Eki kásiporyn da Qarasai aýdanynyń aýmaǵynda ornalasqan. Ónerkásip oryndarynyń ashylý saltanatyna QR Syrtqy ister ministriniń orynbasary Almas Aidarov, Qazaqstannyń Túrkiiadaǵy elshisi Abzal Saparbekuly, Almaty oblysy ákiminiń orynbasary Serik Turdaliev, «KAZAKH INVEST» UK» AQ tóraǵasy Meiirjan Iýsýpov qatysty, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.

Máselen, gaz jáne elektr plitalaryn óndiretin zaýyttyń jobasyn Túrkiianyń aldyńǵy qatarly kompaniialarynyń biri «Femas Metal Sanayi ve Ticaret A.S» «Almaty Turmystyq Tehnika Zavody» JShS-men birigip júzege asyrdy. Bul kompaniia asúige arnalǵan elektr jáne gaz plitalaryn óndirýshi kóshbasshylardyń qatarynda jáne onyń Túrkiiada 40 jyldyq tarihy bar. Qazir kompaniia 6 qurlyqta 130 elde óz ónimderin shyǵaryp, ótkizýde. Sonyń ishinde kiriktirilgen jáne jeke turatyn (gaz jáne elektr) dýhovkalar, ústel plitalary, asúi sorǵylary da bar. Zaýyttyń iske qosylýy nátijesinde Almaty oblysynda osy baǵyttaǵy import almasý azaiady.

«ATTZ» JShS bas direktory Abdýlqasym Soiyrkasanyń aitýynsha, jańa kásiporyn gaz eáne elektr plitalaryn, peshke arnalǵan qurylǵylar shyǵarýǵa mamandanǵan. «Technodom», «Sulpak», «Mechta», «Fora» jáne basqa da iri saýda úileri kompaniianyń distribiýtor seriktesteri retinde jumys isteýde. 5 firmalyq saýda núktesi jáne bar. Bul jańa zaýyt Jarmuhambet aýylynda ornalasqan.

«Iakar» JShS quryltaishysy Iakar Jengiz o basta jumys jalǵa alǵan ǵimaratta bastalǵanyn aitty. Budan keiin óz ǵimarattaryn turǵyzyp, jańa fabrikany sonda ornalastyrǵan. Qazirgi kezde munda 50 adam eńbek etedi. Aldaǵy ýaqytta jumys oryndarynyń sany 90-ǵa jetkizilmek.



Eske salsaq, «Iakar» JShS - Qazaqstandaǵy, sol siiaqty Orta Aziiadaǵy konditer ónimderin shyǵarýshy iri kompaniialardyń biri. Qazirgi kezde kásiporynda táttilerdiń kóptegen túri – karamel muz kámpitteri, shokoladty kámpitter, batondar, draje (arahis) t.b. shyǵarylady.

Bul rette oblys ákimdiginiń qoldaýymen «Biznestiń jol kartasy – 2025» memlekettik baǵdarlamasynyń sheńberinde jobaǵa gazben jáne elektrmen qamtý jaǵynan qoldaý kórsetilgen.

Ótken jyldyń aqpan aiynda oblys ákimi Amandyq Batalov asúige arnalǵan gaz jáne elektr plitalaryn óndiretin zaýyttyń qurylysy týraly máseleni túrik investorlarymen birge otyryp talqylaǵan bolatyn. Sol kezdesýdiń nátijesinde búgin kásiporyndar iske qosyldy, investitsiia tartyldy, álemdik ataǵy bar sapaly ónim shyǵarý jol qoiyldy, turaqty jumys oryndary quryldy. Túrkiialyq seriktesterge ekonomikalyq mańyzy bar osy jobalardy iske asyrýǵa  Almaty oblysynyń ákimdigi, QR SIM, Qazaqstannyń Túrkiiadaǵy elshiligi, «KAZAKH INVEST» UK» AQ jáne jergilikti atqarýshy organdar barynsha qoldaý kórsetti.
Madina Sádýaqasova

Oqi otyryńyz