Turǵyndar tilegi basty nazarda
Aýdanǵa arnaiy bekitilgen inspektor aýyl ákimi Erbol Qosahovpen birge aýyldyq mádeniet úiinde turǵyndarmen júzdesip, olardyń talap-tilegi men túitkildi máselelerin tyńdady. Kezdesýge kelgenderdiń basym kópshiligi aqsaqaldar boldy. Sebebi aýyldyń jai-kúiine alańdap, mándi máselelerdiń sheshimin izdeitinder de aýyl aqsaqaldary ekeni belgili. Oblystan kelgen qonaqqa aýyldaǵy negizgi máselelerdi jetkizgen aýyl qariialary qoiylǵan saýaldar jaýapsyz qalmasyn degen talaptaryn qoidy. Máselen, aýyl qariiasy K.Ismailov kópbalaly analarǵa kórsetiletin kómek, jer kezegine turý máselesi, zeinetkerlerge jaǵdai jasaý syndy suraqtardy kóterse, aýyldyq aqsaqaldar alqasynyń tóraǵasy B.Shynbolatov aýyldaǵy burylys kóshelerge gaz kirgizý, jaǵdaiy tómen otbasylardy arzandatylǵan baǵamen nemese tegin túrde gazben qamtýǵa kómek kórsetýge qatysty saýalyn qoidy. Sonymen birge, turǵyndar aýyldyq okrýgtegi mal dárigeriniń óz mindetin durys atqarýy qajet degen talaptaryn da jetkizdi. Aýylda qalyptasqan máseleler men kóterilgen suraqtarǵa aýyl ákimi retinde Erbol Ahmetjanuly da jaýap berýge tyrysyp baqty. Al, Ashat Meiirbekuly qozǵalǵan suraqtardy jazyp alyp, oblys basshylyǵyna jetkizetindigin jáne máselelerdiń ońdy sheshilýine yqpal etetindigin atap ótti.
Aita ketý kerek, oblys ákiminiń inspektory toǵyz joldyń torabynda ornalasqan Shý aýdanyna birinshi ret kelip otyrǵan joq. Ol buǵan deiin de birneshe aýyldyq okrýgke is-saparmen kelip, aýyldyqtardyń muń-muqtajyna qulaq túrip, túrli máselelerdi tikelei oblys basshysyna jetkizýde. Bul bir jaǵynan halyq pen bilik arasyndaǵy bailanysty ońtailandyra tússe, ekinshi jaǵynan shalǵaidaǵy eldi mekenderde qalyptasqan máselelerdi der kezinde sheshýge yqpal etýde. Sondyqtan, ákimdik pen qarapaiym halyq arasyndaǵy osyndai júieli jumystar aldaǵy ýaqytta da jalǵasyn tappaq.
Jambyl oblysy
Shý aýdany
