اۋدانعا ارنايى بەكىتىلگەن ينسپەكتور اۋىل اكىمى ەربول قوساحوۆپەن بىرگە اۋىلدىق مادەنيەت ۇيىندە تۇرعىندارمەن جۇزدەسىپ، ولاردىڭ تالاپ-تىلەگى مەن تۇيتكىلدى ماسەلەلەرىن تىڭدادى. كەزدەسۋگە كەلگەندەردىڭ باسىم كوپشىلىگى اقساقالدار بولدى. سەبەبى اۋىلدىڭ جاي-كۇيىنە الاڭداپ، ءماندى ماسەلەلەردىڭ شەشىمىن ىزدەيتىندەر دە اۋىل اقساقالدارى ەكەنى بەلگىلى. وبلىستان كەلگەن قوناققا اۋىلداعى نەگىزگى ماسەلەلەردى جەتكىزگەن اۋىل قاريالارى قويىلعان ساۋالدار جاۋاپسىز قالماسىن دەگەن تالاپتارىن قويدى. ماسەلەن، اۋىل قارياسى ك.يسمايلوۆ كوپبالالى انالارعا كورسەتىلەتىن كومەك، جەر كەزەگىنە تۇرۋ ماسەلەسى، زەينەتكەرلەرگە جاعداي جاساۋ سىندى سۇراقتاردى كوتەرسە، اۋىلدىق اقساقالدار القاسىنىڭ ءتوراعاسى ب.شىنبولاتوۆ اۋىلداعى بۇرىلىس كوشەلەرگە گاز كىرگىزۋ، جاعدايى تومەن وتباسىلاردى ارزانداتىلعان باعامەن نەمەسە تەگىن تۇردە گازبەن قامتۋعا كومەك كورسەتۋگە قاتىستى ساۋالىن قويدى. سونىمەن بىرگە، تۇرعىندار اۋىلدىق وكرۋگتەگى مال دارىگەرىنىڭ ءوز مىندەتىن دۇرىس اتقارۋى قاجەت دەگەن تالاپتارىن دا جەتكىزدى. اۋىلدا قالىپتاسقان ماسەلەلەر مەن كوتەرىلگەن سۇراقتارعا اۋىل اكىمى رەتىندە ەربول احمەتجان ۇلى دا جاۋاپ بەرۋگە تىرىسىپ باقتى. ال، اسحات مەيىربەك ۇلى قوزعالعان سۇراقتاردى جازىپ الىپ، وبلىس باسشىلىعىنا جەتكىزەتىندىگىن جانە ماسەلەلەردىڭ وڭدى شەشىلۋىنە ىقپال ەتەتىندىگىن اتاپ ءوتتى.
ايتا كەتۋ كەرەك، وبلىس اكىمىنىڭ ينسپەكتورى توعىز جولدىڭ تورابىندا ورنالاسقان شۋ اۋدانىنا ءبىرىنشى رەت كەلىپ وتىرعان جوق. ول بۇعان دەيىن دە بىرنەشە اۋىلدىق وكرۋگكە ىس-ساپارمەن كەلىپ، اۋىلدىقتاردىڭ مۇڭ-مۇقتاجىنا قۇلاق ءتۇرىپ، ءتۇرلى ماسەلەلەردى تىكەلەي وبلىس باسشىسىنا جەتكىزۋدە. بۇل ءبىر جاعىنان حالىق پەن بيلىك اراسىنداعى بايلانىستى وڭتايلاندىرا تۇسسە، ەكىنشى جاعىنان شالعايداعى ەلدى مەكەندەردە قالىپتاسقان ماسەلەلەردى دەر كەزىندە شەشۋگە ىقپال ەتۋدە. سوندىقتان، اكىمدىك پەن قاراپايىم حالىق اراسىنداعى وسىنداي جۇيەلى جۇمىستار الداعى ۋاقىتتا دا جالعاسىن تاپپاق.
جامبىل وبلىسى
شۋ اۋدانى
