Bul týraly atalǵan vedomstvonyń baspasóz qyzmetine silteme jasap Tengrinews.kz habarlady.
Tergeýdiń málimetinshe, "Qazaqfılm" AQ-nyń "T.K.TURAN UNIVERSAL BUSINESS" JSHS-ǵa fılmniń óndirisine 79 mıllıon teńge bólgeni anyqtalǵan. "Onyń 69 mıllıon teńgesin kartına prodúseri Tuńǵyshbaı Jamanqulov jymqyrǵan. Ol - "T.K.TURAN UNIVERSAL BUSINESS" JSHS-nyń quryltaıshysy", - delingen habarlamada.
Sondaı-aq, qarajattyń qosalqy merjigerlik uıymdarda qolma-qol aqshaǵa aınaldyrylyp, Tuńǵyshbaı Jamanqulovqa berilgeni aıtylady.
Sonymen qatar, qarajat jymqyrýǵa "Qazaqfılm" AQ-nyń ekonomıka jáne qarjy jónindegi basqarýshy dırektory G.Ysqaqovanyń jáne fılmniń atqarýshy prodúseri N.Iýdınanyń qatysy bar ekeni dáleldengeni habarlanyp otyr.
Aıta keteıik, olar sottyń sanksıasymen qamaýǵa alynǵan bolatyn.
