Prezident Qasym-Jomart Toqaev Úkimettiń keńeitilgen otyrysynda sóz sóiledi, dep habarlaidy Dalanews.kz.
Memleket basshysy qazirgi Konstitýtsiiamyzdyń mán-mańyzyn eshkim joqqa shyǵarmaitynyn málimdedi.
"Sońǵy 30 jylda jetken barlyq jetistigimizdiń bastaýynda Ata Zańymyz turǵany sózsiz. Bul – tuńǵysh Prezident Nursultan Ábishuly Nazarbaevtyń tabandy eńbeginiń arqasy. Degenmen bul qujat elimiz endi ǵana eńsesin tiktei bastaǵan kezde qabyldanǵanyn eskergen jón. Onda Táýelsizdiktiń alǵashqy kezeńindegi qiyn kúnderdiń izi bar. Solai bolýy da zańdy. Sol kezden beri elimiz adam tanymastai ózgerdi. Bolashaǵymyzǵa kóbi kúmánmen qarasa da, Qazaqstan halyqaralyq bedeli joǵary, myqty memleketke ainaldy. Qazir álemdegi geosaiasi, geoekonomikalyq, tehnologiialyq ahýal túbegeili ózgerip jatyr. Sońǵy jyldary Qazaqstan da kóptegen ózgeristi bastan ótkerdi. Bul ózgerister ult sanasyna yqpal etti, tipti, zor silkinis ákeldi desek, qate bolmas. Sondyqtan elimizdiń maqsat-mindetterin, qundylyqtary men qaǵidattaryn zaman talabyna sai, konstitýtsiialyq deńgeide jańǵyrtý airyqsha mańyzdy", - dedi Toqaev.
