پرەزيدەنت قاسىم-جومارت توقاەۆ ٷكٸمەتتٸڭ كەڭەيتٸلگەن وتىرىسىندا سٶز سٶيلەدٸ, دەپ حابارلايدى Dalanews.kz.
مەملەكەت باسشىسى قازٸرگٸ كونستيتۋتسييامىزدىڭ مەن-ماڭىزىن ەشكٸم جوققا شىعارمايتىنىن مەلٸمدەدٸ.
"سوڭعى 30 جىلدا جەتكەن بارلىق جەتٸستٸگٸمٸزدٸڭ باستاۋىندا اتا زاڭىمىز تۇرعانى سٶزسٸز. بۇل – تۇڭعىش پرەزيدەنت نۇرسۇلتان ەبٸشۇلى نازارباەۆتىڭ تاباندى ەڭبەگٸنٸڭ ارقاسى. دەگەنمەن بۇل قۇجات ەلٸمٸز ەندٸ عانا ەڭسەسٸن تٸكتەي باستاعان كەزدە قابىلدانعانىن ەسكەرگەن جٶن. وندا تەۋەلسٸزدٸكتٸڭ العاشقى كەزەڭٸندەگٸ قيىن كٷندەردٸڭ ٸزٸ بار. سولاي بولۋى دا زاڭدى. سول كەزدەن بەرٸ ەلٸمٸز ادام تانىماستاي ٶزگەردٸ. بولاشاعىمىزعا كٶبٸ كٷمەنمەن قاراسا دا, قازاقستان حالىقارالىق بەدەلٸ جوعارى, مىقتى مەملەكەتكە اينالدى. قازٸر ەلەمدەگٸ گەوساياسي, گەوەكونوميكالىق, تەحنولوگييالىق احۋال تٷبەگەيلٸ ٶزگەرٸپ جاتىر. سوڭعى جىلدارى قازاقستان دا كٶپتەگەن ٶزگەرٸستٸ باستان ٶتكەردٸ. بۇل ٶزگەرٸستەر ۇلت ساناسىنا ىقپال ەتتٸ, تٸپتٸ, زور سٸلكٸنٸس ەكەلدٸ دەسەك, قاتە بولماس. سوندىقتان ەلٸمٸزدٸڭ ماقسات-مٸندەتتەرٸن, قۇندىلىقتارى مەن قاعيداتتارىن زامان تالابىنا ساي, كونستيتۋتسييالىق دەڭگەيدە جاڭعىرتۋ ايرىقشا ماڭىزدى", - دەدٸ توقاەۆ.
