Tumshalanyp júrgenderge 200 myń teńge aiyppul salynýy múmkin
Qaýǵa saqal qoiyp, qara jamylǵy japqandar daýyna núkte qoiýǵa prezidenttiń ózi tapsyrma bergennen keiin Din isteri jáne azamattyq qoǵam ministrligi múftiiatpen birge iske kirisip ketken edi. Kóp kúttirmei ázirlegen zań jobasynda birqatar tyiymdar qarastyrylǵan. Eń bastysy, endi qoǵamdyq orynda bet aýzyn tumshalap, qara jamylyp júretinder zańmen qýdalanyp, 200 myń teńgeden asa aiyppul tóleidi. Alaida, ministr muny hidjabpen shatastyrýǵa bolmaidy deidi.
“Hidjab múldem talqylanbaidy. Óitkeni, hidjab betin jappaityn kiim. Hidjabqa qarsy eshkim eshteńe demeidi. Hidjabty paranjamen shatastyrýǵa bolmaidy”, – deidi QR Din isteri jáne azamattyq qoǵam ministri Nurlan Ermekbaev.
Ministr, prezident aitqan qaýǵa saqal men qysqa balaqqa qatysty tis jarmady, jobany múftiiatpen, dintanýshylarmen birigip talqylaý ústindemiz dep qutyldy. Al, zań jobasynda balasyna ekpe saldyrýdan bas tartqan ata-analarǵa da jaza qarastyrylǵan. Mundai norma engizýge byltyrǵy jyldyń ózinde elimizde 10 myńǵa jýyq otbasynyń dini ustanymdaryn alǵa tartyp, vaktsina alýǵa qarsy shyǵýy sebep bolypty. Endi ekpeden bas tartqandar 20 myń teńge kóleminde aiyppul tóleidi. Dintanýshylar mundai tyiymdar qazirgi qoǵamda qatty qajet, zańdy qataitýǵa májbúrmiz dep otyr.
“Sońǵy kezde osy ózińniń bolmysyńydy ekinshi orynǵa ysyryp qoiyp, tek qana shariǵattyń ólshemderimen dini atribýttardy tańyp jatqandar bar. Biz soǵan qarsymyz. Dindi ustaisyń ba, óz erkiń. Eshqashan Allanyń jolynda júrmin dep mindetsinbe”, – deidi dintanýshy Dosai Kenjetai.
Mektepke qyzdardyń hidjab kiip kelýine tyiym salynǵanda biraz taqýa ata-ana narazylyq bildirgen edi. Al, betin tumshalap júrgenderdi zańmen shekteýdi qarapaiym halyq qoldaityn siiaqty.
Qazaq burynnan musylman halyq. Olar aq jaýlyq, jeńsiz kóilek kigen, hidjab dástúrine sai emes.
– Ata babamyzdan kele jatqan zamanda eshqashan qazaqtyń qyzy betin tumshalamaǵan. Qoldaimyn óte durys. Balalar da birdei mektep formasynda ǵana bolýy kerek.
– Negizi salt dástúrge baǵyný kerek qoi. Biz arab emespiz, musylmanbyz. Laiyqty bolý kerek qoi.
Degenmen, bar másele kiimge salynǵan shekteýmen sheshile salmaityny da anyq. Adamnyń senimi júreginde degendi prezidenttiń ózi de aitqan bolatyn. Al qara jamylǵy kiip, betterin tumshalap júretinderge tyiym salatyn zań jobasy qyrkúiekte Parlament pen qoǵamnyń talqysyna túspek.
Derekkózi: stan.kz
